Merkêzê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye û nê pare kerdî:

''Gerîlayê Azadîye yê Kurdîstanî bi ruhê  Xoverdayîşê 14ê Temmuze koyanê Kurdîstanî de darbeyanê giranan danê artêşa tirke ya îşxalkere ro. Çalakîyanê hêzanê ma de 32 îşxalkerî ameyî cezakerdene û 2 helîkopterî  û yew dron ameyî derbkerdene. Dewleta tirke  34 rey pê çekanê kîmyewîyan û teqaberan û bi desan rey zî bi teyarayanê şerî, helîkopteranê hêrişî û obusan warê xoverdayîşî dayî bombayan ver. Detayê çalakîyan wina yê;

Zap

7ê temmuze de hêzanê ma yê YJA Starî dormeyê mewzîyanê şerî yê Şehîd Umîdî de da îşxalkeran ro. Çalakîya sûîkastî de 2 îşxalkerî ameyî cezakerdene. Warê Xoverdayîşî yê Kokerê de zî îşxalkerê ke eynî roje pê çekanê giranan ameyî pirodayene gamêke pêser agêrayî.  Warê Xoverdayîşî yê Çemçoyî de zî dronayêk ame derbkerdene. 8ê temmuze de Warê Xoverdayîşî yê Karkerî de îşxalîya bikoordîne ameye kerdene, 2 îşxalkerî ameyî cezakerdene û 2 îşxlakerî birîndar bîyî.

Metîna

5 û 6ê temmuze de warê Sêdarê yê Warê Xoverdayîşî yê Girê Amedîyê de çalakîya sabotajî ameyî kerdene, tewr tay 12 îşxalkerî ameyî cezakerdene. 7ê temmuze de hêzanê ma yê YJA Starî tîya hêna da îşxalkeran ro, 2 îşxalkerî ameyî cezakerdene. Eynî roje Girê Şehîd Pîrdoganî yê Girê Amedîyê de vera îşxalkeran têdima çalakîyê sabotajî ameyî kerdene, 13 îşxalkerî îşxalkerî ameyî cezakerdene. Îşxalkera warê çalakîye da bombayan ver ke cenazayanê xo îmha bikero.Hetê bînî ra 2 helîkopterî zî hetê hêzanê ma ra ameyî derbkerdene. Warê Xoverdayîşî yê Girê Cûdîyî de zî çalakîya sûîkastî de îşxalkerêk ame cezakerdene.

Bombarduman

Artêşa tirke ya îşxalkere 7 û 8ê temmuze de Warê Xoverdayîşî yê Werxelê, Karker, Kokerê, Şehîd Şahîn û Girê Cûdîyî 34 rey pê çekanê kîmyewîyan û teqaberan dayî bombayan ver. Warê Girê Cûdî, Girê Amediyê, Girê FM, Dola Mehranê, Sîda, Saca, Çemço, Girê Hakarî, Girê Şehîd Piling, Girê Şehîd Pîrdoxan, Qada Navîn, Girê Cûdî, Kurojahro, Girê Mamreş, Şehîd Dîdar, Şehîd Harûn, Şehîd Tolhildanî pê teyarayanê şerî, helîkopteranê hêrişî û obusan dîyayî bombayan ver.''