Hêrişê îşxalî yê dewleta tirke yê vera Herêmanê Pawitişî yê Medya dewam kenê. Gerîlayanê ke derbanê giranan danê artêşa îşxalkere ro venga şarî da ke wa 'sere wedarno.' Gerîlayanê HPG û YJA-Starî derheqê hêrişanê îşxalî û xoverdayîşê xo de ANFyî rê qisey kerd.

Gerîlaya YJA-Starî Ekîne Tolhildan vat: ''Armancê nê operasyonî birnayîşê têkilîya ma ya. Coka dişmen zêde giranîye dano Avaşînî ser. Rixmê teknîkê ci yê giranî dişmen ho derbanê pîlan weno. Dişmen pê teknîkê xo bawer bi coka xoverdayîşêko winasên nêpawitêne. Embazan hêrişê dişmenî waranê Şehîd Munzur û Şehîd Serdarî de şiknayî. Dişmen nêeşkeno bikewo tunelan. La embazê ma dekewenê mîyanê înan û danê piro. Embazî hê xo ver danê ganî ma pê înan sereberz bibê. Ganî kurdî bi taybetî şarê kurdî yê Vakur û Başûrî vera dişmenî sere wedarnê. Ganî ciwanî bi fedayîtî vejîyê waran. Ma do heta çilka peyêne ya gonîya xo vera îşxalkeran xo ver bidê.''

Gerîlayê HPGyî Hêjar Başkaleyî vat: ''Armancê nê operasyonan îşxalê Başûrî yo. Dişmen nika di baskan ra hêrişê tîya Avaşînî keno. Hetê îşxalkeran de hêzê kontrayî û qoricîyî zî estê. Embazê ma derbanê giranan danê dişmenî ro. Artêşa diyîne ya tewr pîle ya NATOyî nêeşkena bikewa mewzîyanê embazan. Leşkerê tirkî remenê, waranê xo teriknenê. Dişmen pê pêro îmkananê xo Metîna ra heta Zap û Avaşînî hêriş keno la hema netîceyêke nêgirewte.''

Gerîlayê HPGyî Serhad Agirîyî vat: ''23ê nîsane ra nata dişmen pê bombardumanan keo ke waranê Şehîd Serdar û Mamreşoyî de ca bido xo. Sere de gazê kîmyewî û madeyê teqaberî dişmen pêro metodanê bêexlaqan, vera qanûnê şerî xebitneno. La reyna zî ê nêeşkenê debikewê mewzîyan. Embazê ma hem mewzîyan pawenê hem zî şinê teberê mewzîyan de şer kenê. Ma do înan tîya de bişiknê. Ma do pê îrade û bawerîyêka berze ver bi serfîrazî şorê.''