Fermandaranê HPGyî ra Ferman Botanî hêrişê dewleta tirke yê vera Heftanînî û xoverdayîşo tarîxî yê gerîlayan Stêrk TVyî rê ercnayî. 

Qiseykerdişê Ferman Botanî ra beşêk wina yo:

''Dewleta tirke Heftanîn sey berê serekeyî yê Başûrê Kurdîstanî hesibnena. Eke bieşka Heftanîn bivisna destî do pêro Başûrê Kurdîstanî zî bivisna destî. Gerîlayî 40 serrî yo ke Heftanîn de yê. Eke dewlete nêeşka Heftanîn bivisna destî do nêeşka cayanê bînan zî bigêra û bombardumanan bikera.

Rixmo ke hêrişê giranî yenê kerdene gerîlayî pê çalakîyanê pîlan xo ver danê. Heftanîn de teknîkêko xurt yeno xebitnayene. Şewêke de 50 herêmî dîyayî bombayan ver.Artêşa tirke xoverdayîşêko winasên texmîn nêkerdêne.Ma nêverda ke artêşa tirke leşkeranê xo rê ca bidê. Gerîlayî cade danê piro.

40 serrî yo ke ma vera artêşa tirke şer kenê ma ê şinasnenê. Her keso ke sînorî ra dekewto Heftanîn û hetkarîya dewleta tirke keno hedefê ma de yo. Ma reyna notiran hîşyar kenê; guneyê domananê nê welatî megerê. PKK 40 serran ra nata sereyê xo nêard wa. Ma fedayîyê nê şarî yê.

Înanê ke şehîd bîyî, sey mîras ma rê xoverdayîş verda. Reşwa herêman nika hol a, Xantûr de şer dewam keno. Her roje çalakîye benê. Dûpişkê de her roje çalakîye esta. Şeşdara de xoverdayîş esto. No xovedayîş do dewam bikero. Ma Heftanînî ra do fek vera nêdê.

 Ma pê moral, îrade û motîvasyonêkê pîlî xo ver danê û cayêkî ra zî do fek vera nêdê. Çîyêko asan nîyo; vînkerdişêkê ma çin o. Her bombaya ke erzîyena Heftanînî moralê ma zêdînena. Gerîlayî bi zelalî vînenê ke artêşa tirke teknîkî ra nêbo nêeşkena gamêke aver bierza. Hayîya ma zî pê na raştîye esta û ma no dî.''