Gerîlayê YJA-Starî: Ma ver bi serkewtişî şinê

Gerîlayanê YJA-Starî yê warê Biadostî îfade kerd ke gerîlayê tunelanê şerî yê Avaşîn û Zapî hêz û moralî danê gerîlayanê Xakûrkê. Gerîlayan vat: ''Beno ke tay embazî mîyanê nê şerî de yê la zerrîya gerîlayan yew a.''

Warê Biradostî de gerîlayanê YJA-Starî Ararate Nûda û Dilzare Rêber ANFyî rê qisey kerd.

Ararate Nûda vatişê 'Ez na rêxistine de serfîrazîye vînenê' yê Kemal Pîrî vist vîrî û vat: ''Ma rojanê serfîrazîye de yê. Dişmen zî naye zaneno coka yeno serê ma. No şer têna Zap, Metîna û Avaşîn e nîyo. Ma hê embazanê xo reyde yê. Beno ke tay embazî mîyanê nê şerî de yê la zerrîya gerîlayan yew a. Gerîlayî pîya xo ver danê. Armancê çalakîyanê ma caardişê azadîya Rayberîya ma yo. Qet yew çi nêeşkeno ma asteng bikero. Têkoşîn û şerê ma do heta serfîrazîye dewam bikerê. Ez embazan rê serkewtiş wazena.''

Dilzare Rêber pare kerd ke gerîlayê tunelanê şerî yê Avaşîn û Zapî hêz û moralî danê gerîlayanê Xakûrkê. Gerîla Dilzare vat: ''Hêrişê vera Herêmanê Pawitişî yê Medya armancê dişmenî eşkera kenê. Şerê Avaşîn û Zapî mojneno ke ma ver bi serkewtişî şinê. Rayberîye û şehîdî moral, coş, îrade û na hişmendî danê ma. Warê Lêlikanî yê Xakûrkê de 28 leşkerî ameyî kiştene û çar gerîlayî zî şehîd bîyî. Nê çalakîyan ruhê Bêrîtane ganî kerd. Artêşa faşîste kişteyanê xo kena pêlekêk û kendalan ra erzena war. Şarê ma wa vera hêrişanê kîmyewîyan hîna zaf vengê xo vejo. Ma venga ciwanan danê ke vejîyê waranê azadîye.''