Gerîlayê HPGyî yê almanî Azad Şevger û gerîlaya YJA-Starî Evîndare Kurdîstan derheqê hêrişanê îşxalî yê dewleta tirke de ANFyî rê qisey kerd.

Gerîla Evîndare Kurdîstan verî şehîdê menga gulane yad kerdî û ard ziwan ke ê xeta şehîdan de têkoşîn kenê. Gerîla Evîndare Kurdîstan pare kerd ke ê do qetî verê hêrişanê dewleta tirke de çok nêşorê erdî ro û vat: ''Dewleta tirke çeka kîmyewîye zî tede pê pêro metodanê hêrişê ma kena, domanan qir kena. La a se kena wa bikera nêeşkena şarê kurdî çin bikera. Ma do serra 2022yî bikerê serra serkewtişî. Senî ke embazanê ma Zap de Skorskyêk ard war ma zî dişmenî do bin bikerê. Na serre do biba serra azadîya Rayber Apoyî û şarê kurdî.'' 

Enternasyonalîstê ke binê tesîrê paradîgmaya PKKyî de manenê tewrê gerîlayan benê. Nînan ra yew zî Azad Şevger o ke alman o. Şevgerî da zanayene ke o cade adapteyê koyanê Kurdîstanî bîyo û kurdkî musayo. Şevgerî bi kirdaskî û almankî venga ciwanan da û vat: ''Bêrê cengê azadîye.''