Gerîlayanê HPG û YJA Starî Lamîya Welat û Rizgar Çetînî derheqê xoverdayîşê gerîlayan ê vera hêrişê îşxalî yê dewleta tirke de qisey kerd.

Gerîlaya YJA Starî Lamîya Welat ard ziwan ke hêrişê îşxalî têna vera gerîlayan ya zî vera Zap û Avaşînî nê vera çar leteyanê Kurdîstanî û heme şarê kurdî yo û vat: ''Ma prosesêkê zehmetî ra ravêrene ke barê ma giran o. Xoverdayîşê hemrayanê ma hêz û moral dano ma. Ma herra bimbareke de têkoşîn kenê ke dişmen îşxal mekero. Ma zaf bedalan bidê zî, serkewtiş do yê ma bo. Bitaybetî ganî ciwanî paştî bidê gerîlayan û wayîrê nê şerî vejîyê.''

Gerîlayê HPGyî Rizgar Çetinî zî vist vîrî ke vera Herêmanê Pawitişî yê Medya hêrişê giranî yenê kerdene û vat: ''Dişmen nêeşkeno vera xoverdayîşî gerîlayan aver şiro.  Her game de derbeyanê pîlan weno. Embazê ma cewabanê xurtan danê dişmenî. Hêrişî vera heme kurdan benê. Ganî şarê ma nê bizano û wayîrê kurdîtîya xo û Têgêrayîşê Azadîye bivejîyo.  Eke qala kurdan bibo heme dewletê îşxalkerî benê yew û hêrişê qirkerdişî kenê. Ganî PDK vera dewleta tirke tewir bîgêro. Ganî şarê ma wirzo payan ser. Xora çalakîyê hemrayanê ma eşkera yê. Ma do nê koyan dişmenî rê bikerê axu. Ma do nê şerî bi serkewtişî tacîdar bikerê.''