Gerîlaya YJA-Starî Baharîne Welat Şemzînan û gerîlayê HPGyî Ferhad Şengalî derheqê hêrişanê dewleta tirke yê vera Herêmanê Pawitişî yê Medya û xoverdayîşê gerîlayan de ANFyî rê qisey kerd.

Baharîne Welat Şemzînan ard ziwan ke qoricîyî zî tewrê operasyonê îşxalî yê dewleta tirke û PDKyî bîyê û vat: ''Şerê Herêmanê Pawitişî yê Medya dewam keno. Ez venga kurdan dana ke êyê ke îşxalkeran reyde têgêrenê, mîyanê îxanetî de yê. Wa qoricîyî çekanê xo verdê, îxanet mekerê. Dişmen înan xapîneno, çalakîyan de dano vernî. Ma bawer ê ke nê şerî de ma do ser bikewê. No zî bi felsefeya Rayber Apoyî û têkoşînê Zap û Avaşînî artêşa tirke do bin bikero.Têkoşînê ma, têkoşînêko bêpeynî yo, ma do nê esasî ser o şorê û biresê azadîya Serekê xo û azadîya xo. Ma do şarê xo azad bikerê.''

Gerîlayê HPGyî Ferhad Şengalî ard ziwan ke armanco bingeyî yê dewleta tirke îşxalê Herêmanê Pawitişî yê Medya yo û vat: ''Xoverdayîşê gerîlayan armancê dewleta tirke çin kerdî û nêverda ke herême de ca bida xo. Ma sey gerîlayan heta çilka peyêne ya gonîya xo, xo ver bidê û nêverdê dewleta tirke plananê xo bîyara ca. Dewleta tirke pê teknîk û teyarayanê xo zî pê gerîlayan nêeşkena. Vera hêrişan ma bi ruhê yewbîyayeyî şer kenê.''