Dewleta tirke ya îşxalkere 14ê nîsane ra nata bi hemkarîya PDKyî hêrişê Herêmanê Pawitişî yê Medya kena. Gerîlayanê YJA-Starî Rêbîne Awaz û Çavreşe Ozgur derheqê hêrişanê îşxalî de ANFyî rê qisey kerd.

Rêbîne Awaz: Vera nê hêrişanê bêexlaqan ma sey gerîlayanê YJA-starî her ca de do xo ver bidê. Ganî şarê ma zî na babete de wayîrê yew tewirî bibo. Bi taybetî wa ciwanî çeke bigêrê xo destî û tewrê nê cengî bibê. Dişmen wazeno pêro kurdan qir bikero. Naye ra wa pêro kurdî verê nê qirkerdişî bigêre. Koyan de cinîyî bi hawayêkê xurtî têkoşîn kenê. Dişmen wazeno azadîya cinîyan çin bikero. Wa cinîyî wurzê we û vera îşxalî têbigêrê.

Çavreşe Ozgur: Dewleta îşxalkere qetî do nêeşka îradeyê gerîlayan bişikna. Coka vera gerîlayan çeka kîmyewîye şuxilnena. Dewleta tirke ya îşxalkere vera gerîlayan pêro metodanê gemarinan ana ca la reyna zî nêeşkena ser bikewa. Sey gerîlayan ma vera îşxalî do xo ver bidê. Ma do şer bikerê, şarê xo û Serekê xo azad bikerê. Ma sere de şarê Başûrî venga pêro kurdîstanijan danê ke vera îşxalî wurzo we. Çunke Tirkîya wazena sînoranê Mîsak-i Mîllî awan bikera û Mûsil û Kerkûkî zî bivisna destî.