Gerîlayî qerardar ê: Ma şer kenê û ma do ser bikewê
Gerîlayanê ke vera hêzanê hewayî û pêro metodanê şerî yê artêşa tirke Heftanîn de bi hawayêkê tarîxîyî xo ver danê ard ziwan ke ê do têkoşînê xo dewam bikerê û do ser bikewê.
Gerîlayanê ke Heftanîn de xo ver danê, derheqê hêrişanê peyênan ê artêşa tirke ya îşxalkere de ANFyî reyde qisey kerd.
Gerîlayê HPGyî Rustem Dilgeşî vat: ''Artêşa tirke pê pêro îmkananê xo hêriş kena û ma zî pê çalakîyanê xo cewab danê ci. Wa ke goş nêdo propagandara dewleta tirke. Seba ke ma artêşe kerde teng hêrişê Şêladizê kerd. No hêriş vera şarê ma yo zî. Ganî ciwanê herêmanê Behdînan û Soranî wurzê payan ser û tewirê xo bimojnê. Ma ça de benê wa bibê, tim do derbanê giranan bido artêşa îşxalkere ro. Ma do pêr ruhê Mazlûman, Gelhatan, Amarayan û Baharînan şer bikerê.''
Gerîlayanê YJA-Starî ra Rojda Cizîr zî vat: ''Dewanê Kuro Jehro, Çemço û Metîna de dewijî ameyî qetilkerdene. No şer têna vera gerîlayan nê vera pêro Kurdîstanî yo. Ma dişmenan erdê xo de nêverdê. Ma vera artêşa îşxalkere pê ruhê, Kasiman, Zîlanan, Egîdan şer bikerê û ma do ser bikewê. Dewleta tirke zî vînkerdişanê pîlan dana. Planê ci yê îşxalî nika ra pûç bîyî.''
Gerîla Adil amedî zî wina qisey kerd:
