Gerîlayanê HPG û YJA Starî bi wesîleya Komployê Mîyanneteweyî  yê 15ê Sibate derheqê tecrîdî de ANFyî rê qisey kerd.

Gerîlayê HPGyî Dijwar Cizîrî vist vîrî ke 15ê sibate semedê şarê kurdî sey roja tarî ya û vat: ''Hêzanê serdestan bi hespkerdişê Rayberê Şarê Kurdî waşt ke verê vilabîyayîşê fîkranê ci bîgêrê la Rayber Apo ti cayê ma de yo. Beno ke Rayber Apo fîzîkî ma ra dûrî bo la o bi ruh, fîkîr û îdeolojîya tim cayê ma de yo. Ma bi ruhê Apoyî Metîna, Avaşîn, Zap, Heftanîn û Xakurkê de şer kenê. Ma do Rayber Apoyî hetê fîzîkî ra zî bikerê azad.''

Gerîla Serdem Amanosî zî ard ziwan ke paradîgmaya Rayber Apoyî tesîrê heme şaran û merdimiye kena û vat: ''Beno ke Rayberîye rehîn bêro tepiştene la ewro fîkrê ey heme dinya ra vila bîyî. Rayber Apo, rayberê heme şaranê bindestan o. Xora nê semedî ra bi hedefê hêzanê mîyanneteweyî. Ma bi têkoşînê xo cehd kenê ke komployê 25 serran betal bikerê. No zî bi azadkerdişê Rayberîye beno. Têkoşînê gerîlayan mojneno ke no dûrî nîyo.''

Gerîlaya YJA Starî Berfîne Kobanê zî nê vatî: ''Ez sey gerîlaya cenîye vana ke, heta ke yew gerîlaya cinîye bimano û şarê kurdî bibo, fikîr û felsefeya Raybe Apoyî do tim bibê. Hîrê serrî yo Raybe Apoyî ra qet xeberêke nîna girewtene. Wazenê ke wa vengê Rayberîye mereso ma. Dewletê serdest û hegemonî wa na raştîye hinî fam bikerê; ma sey gerîlayan felsefe û îdeolojîya Rayberîye ciwîyenê. Ma qerardar ê, ma do bi têkoşînê xo nê têcrîdî bişiknê.''