Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye û nê vatî:

''Semedê selamkerdişê 30ê Hezîrane Roja Fedayîye hêzanê ma serkêşîya YJA Starî de çalakîyî kerdî.  Nê çalakîyan de yewê înan payeberz new  îşxalkerî ameyî cezakerdene, di  îşxalkerî birîndar bîyî û yew kemeraya mobese ameye îmhakerdene. Herêmê Pawitişî yê Medya reyna bi desan rey ameyî bombardumankerdene.

Xakurkê

Girê Koordîne de 18ê hezîrane de îşxalkerî bi çekanê giranan ameyî pirodayene, 2 îşxalkerî ameyî cezakerdene û 2 îşxalkerî birîndar bîyî. Hêzanê ma YJA Starî zî 22ê hezîrane de Girê Şehîd Şahanî de da îşxlakeran ro. Çalakîye de mewzîyêke ameye îmhakerdene  û 2 îşxalkerî ameyî cezakerdene.  Reyna kameraya mobese zî ameye îmhakerdene. Çalakîya YJA Starî ya Girê Şehîd Derwêşî de zî 23ê hezîrane de mewzîyêke ameye îmhakerdene û 3 îşxalkerî ameyî cezakerdene.

Metîna

Warê Xoverdayîşî yê Girê Hakarî îşxalkeranê ke 23ê hezîrane de waşt ver bi tunelanê şerî avêr şirê ameyî pirodayene û verê înan ame girewtene. Eynî roje Warê Xoverdayîşî yê Girê FMyî de çalakîya sûîkastî ameye kerdene. Çalakîye de yewê înan payeberz 2 îşxalkerî ameyî cezakerdene.

Artêşa tirke ya îşxaşkere 22, 23 û 24ê hezîrane de Warê Xoverdayîşî yê Girê FM, Şikefta Birîndara, Girê Ortê, Çemço, Werxelê, Kurojahro, Şehîd Şahîn, Girê Hakkarî, Girê Çarçel Girê Cûdî û warê Gundê Dêrikî pê teqaber, teyarayan û helîkopteran dîyayî bombayan ver.''