Gerîlayan Qers de da hêzanê operasyonî ro
Gerîlayan herêma Çemçê ya qezaya Qaqizmanî ya Qersî de di çalakîyê sabotajî viraştî, di leşkerî ameyî kiştene.
Merkezê îrtîbatî û Çapemenîye yê HPG'yî derheqê çalakîyanê gerîlayan û hêrişanê îşxalkaran ê Tirkî de eşkerayîyêka nuştekîye daye.
Eşkerayîye de nê ameyî parekerdene:
"Artêşa Tirkî ya îşxalkare 20'ê Êlule herêma Çemçê ya qezaya Qaqizmanî ya Qersî de dest pê operasyonêk kerdibi. Hêzanê ma çarçeweya Hemleyan ê Serkewte yê Şorişgêrî de 24'ê Êlule de herêma Penavosî de verba yewîya ke mabênê gêrayêne çalakîyêka sabotajî viraşte. Na çalakîye de hûmara kişte û birindaran nêameye zelalkerdene. 25'ê Êlule hêzanê ma verba yewîya bîne ya operasyonî çalakîya diyîn a sabotajî viraşte. Na çalakîye de di leşkerî ameyî kiştene. Operasyon bi yewiyanê nimiteyan dewam keno.
23'ê Êlule de herêma dewa Sulavî ya pabesteyê qezaya Elbakî ya Wanî de operasyonêk amebi destpêkerdene. Artêşa Tirkî ya ke herême de cigêrayîş kerdêne bênetîce peyser agêraye. 30'ê Êlule de teyarayanê şerî herêmanê Çemço û Karkeran yê Herêma Zapî ya Wareyanê Pawitişî yê Medyaye bombardûman kerdî. Na bombardûman de zerarêk nêresayo hêzanê ma."
