Zap de ke artêşa tirke erd û hewayî ra hêrişê ci kena, girêk est o ke şarê Asûrî ci rê vano 'Marya.' No gir biheybet û berz o. Gir bi giranî kerrayan ra yeno pê, tede daristanî zî est ê. No ca seba şerê gerîlayan cayêko munasîb o. Mîyanê Zapî de no gir seke kelayêka xozayî ya.

Gerîlayî nê girî rê nêvanê 'Marya' vanê Girê Cehenemî. Çunke no gir leşkeranê tirkan ra bîyo sey cehenemî. Hîkayeya naye zî est a.

Hêrişêkê artêşa tirke yê 'teberê sînorî' de leşkerê tirkî Marya de ca benê. Gerîlayî zî seba çalakîyêka pîle cade dest pê amadekarîyan kenê. Gerîlayî bi çalakîyêka sereştişî gir de tewr tay 100 leşkeranê tirkan kişenê. Tay leşkerî o çax benê gêj, xo kendalan ra erzenê war. Yew leşker fermandarê xo de qisey keno û qiseyê ey beno sebeb ke nameyê girî bivurîyo. No leşkero birîndar wexto ke remeno û xo nimneno persê fermandarî yê 'Ti ça de yî' ser o vano 'ez ha cehemen de ya.' Naye ra dima nameyê Girê Marya beno Girê Cehenemîç

Tarîxê nêzdîyî de zî eşkera bi ke no gir yan zî Zap qetî rayîr nêdo artêşa tirke. Artêşa îşxalkere wextê verênî ra ders nêgirewt û 2022 de reyna hêrişê nê girî kerd. La gerîlayan reyna tîya leşkeran rê kerd cehenem. 24ê gulane de, saete 05.00 de tîmêka hereketîne ya gerîlayan xo verdena mîyanê çeperanê leşkeran û da piro. Gerîlayî tîya de şîyî serê cenazayan, dest na çekanê leşkeran ser. Netîceya na çalakîye de 2ê ci fermandarî 18 leşkerê tirkî kişîyayî. Gerîla TVyî dîmenê na çalakîye weşanayî.