Gerîlayanê YJA-Starî û HPGyî bi wesîleya Hemleya 15ê Tebaxe ANFyî rê qisey kerd. Gerîlayan ard ziwan ke guleyo ke 15ê Tebaxa 1984î de ame teqnayene resa bi mîlyonan kesan û vat ke ê Herêmanê Pawitişî yê Medya de serê rêçê Egîdî de şer kenê. Ercnayîşê gerîlayan wina yo: 

Gerîlaya YJA Starî Agirî Efrîn: Koyan de gerîlayî bi ruhê Apogîrî, rêçê Egîde û Zîlane de vera dişmenî rûmetê merdimîye pawenê. Dewleta tirke ya îşxalkere vera gerîlayan çeka kîmyewîye şuxilnena. Ma vera nê hêrişanê barbaran têkoşîn kenê. Dişmen do nêeşko îradeyê ma bişikno. Se beno wa bibo ma do erdê xo nêteriknê. Heta çilka peyêne ya gonîya xo ma do welatê xo bipawê.

Gerîlaya YJA Starî Roje Seydo: Hemleya 15ê Tebaxe Rayber Apo, şarê kurdî û embazan rê fîraz kena. Guleyo verêno ke 15ê Tebaxa 1984î de ame eştene resa bi mîlyonan kesan. Ez venga ciwanan dana ke nê prosesê zehmetî de wa verê xo bidê koyan, qesasê embazanê şehîdan bigêrê û têkoşînî pîl bikerê. Teknîkê dişmenî vera îradeyê ma de bin kewt. Emser qetî ma do ser bikewê. 

Gerîlaya YJA Starî Bêrîtane Çiya: Guleyo ke 15ê Tebaxe de Fermandar Egîdî eştbi, bi newe ra bîyayîşê kurdan. Şarê kurdî bi vengê nê guleyî werişt payan ser. Şero ke nika Zap, Avaşîn û Metîna de yeno kerdene bi ruhê Hemleya 15ê Tebaxe yeno kerdene. Senî ke guleyo verên hetê Fermandar Egîdî ra erzîya û bi gandarbîyayîşê kurdan, no xoverdayîş zî do bibo serkewtişê kurdan. Ma koyan de bi ruhê Egîd, Bêrîtane û Zîlane şer kenê û ma do qetî qesasê embazanê xo bigêrê.

 Gerîlayê HPGyî Çiyager Amed: Ma rêçê Egîdî de şinê. Şero ke Herêmanê Pawitişî yê Medya de yeno kerdene dewamê Hemleya 15ê Tebaxe yo. Dewleta tirke rixmê destekê NATOyî zî nêeşkena vera gerîlayan şer bikera. Çunke embazê ma bi ruhê fedakarî şer kenê. Çimeyê hêzê gerîlayan îdeolojî û felsefeya Rayber Apoyî yo. Kes nêeşkeno nê îradeyê Apogîrî bişikno. Senî ke şerê ma yo nikayên şerê dewamê 15ê Tebaxe yo, serkewtişê ma zî do bibo sey serkewtişê Hemleya 15ê Tebaxe.