Gerîlaya YJA Starî Roza Tolhildan bi wesîleya Hemleya 15ê Tebaxe ANFyî rê erjnayîşî kerdî.

Roza Tolhildan ard ziwan ke Hemleya 15ê Tebaxe semedê gerîlayanê HPG û YJA Starî zaf manaya xorîye îfade kena û nê vatî: ''Ez  Hemleya 15ê Tebaxe ya Rayber Apo, şarê Kurdîstanî û embazê ma yê ke mewzîyanê şerî de têkoşîn kenê, pîroz kena. Bi na hemla têkoşîn ame averberdene û bedelê girdî ameyî dayene. Netîceya nê bedelan de ruhê têkoşînî vejîya werte ke ma rojane ciwîyenê. Ma bi nê ruhî têkoşîn û xoverdayîş kenê.Têkoşîno ke bi ruhê embaz Egîdî koyanê Kurdîstanî de yeno rayraberdene, moral û coş dano ma. Ewro sey Egîdî Metîna, Avaşîn û Zap de bi seyan embazê ma tunelanê şerî de şer kenê, xover danê. Ma eşkenê vajê ke ruhê têkoşînî yê embaz Egîdî ganî kenê. Guleyo verêno ke tifingê Fermandar Egîdî ra erzîya, ewro gineno sîneyê dişmenî ro.''

Roza Tolhildan bale ante têkoşînê di serran ê gerîlayan ser ke tunelanê şerî de yeno rayraberdene û verê îşxalê dişmenî geno û nê vatî: ''Embazê ma di serrî yo tunelanê şerî de têkoşînê xurtî rayra benê, şer kenê û destur nêdanê dişmen herra ma îşxal bikero û xo tede ca bikero. Embazê ma tunelanê şerî de darba mergî danê dişmenî ro. Cewabê dişmenî danê ke tim îdîa keno ke gerîlayî, PKK û şarê kurdî qedînayo. No têkoşîn moral û hêzo gird dano. Ruhê têkoşîno  afirneno. Ma sey gerîlayanê YJA Starî ke cepheyê şerî yê Herêmanê Pawitişî yê Medya cayê xo genê, ma kenê ke bi cuye û têkoşînê xo bibê layîkê nê têkoşînî. Ma do bi ruhê 15ê Tebaxe hêrişanê îşxalî yê dewlete betal bikerê.''