Hemsereka Kongraya Cimatî ya Demokratîke (KCD)  û parlamenta  Partîya Şaran a Demokratîke (HDP) ya Colemêrgî Leyla Guvene û bi heyetêk şîyî zîyaretê keyeyanê tepiştan ke seba protestokerdişê tecrîdê serê Rayberê Şarê Kurdî Abdullah Ocalanî çalakîyê fadaîyî viraştbî û şehîd bibî.

Guvene û heyetê aye reyde dima ke şîyî Nobeta Demokrasîyî ya  Mêrdînî û Qoser de şarî reyde kom bîye. Keyeyê Medya Çinare zî uca de bî ke verba tecrîdê Rayberê Şarê Kurdî Abdullah Ocalanî Hepisxaneyê Tîpa E’yî  yê Mêrdînî de çalakîya fadaîye viraştebî. Guvene vat, "Medya beno ke serra aye qij bî la zerrîya ci zaf hîra bî. Înan bedenê xo haştîye rê kerdî sîper."

Heyet Nisêbînî ra dim şi zîyaretê keyeyê Sîraç Yukseko ke 2'ê Nîsane de Hepisxaneyê Tîpê T’yî yê  Osmanîye de çalakîya fedaîye kerdibi. Guvene vat, "Seba ke Sîraç û embazê bînî nêmirê, mi ganê xo da vernî la ma nêşkîyayê mergê gêncan vindarnê. La gêncê seba ke vengê înan bêro eşnawitene ganê xo feda kerdî."

Heyetê HDP'yî bado zî şi zîyaretê rojnameger Metîn Duano ke semedê nêweşîyanê xo hepisxane ra amebi veradayene.

.