Anqara de ewro serê sibayî verê Asayîşê Mudirîya Pêroyî ya Asayîşê Wezîrîya Karanê Zereyî yo ke nêzdîyê Meclîsî de yo. Çalakîye ameye kerdene. Fermadarîya Merkezê Qerargahê Pawitişê Şarî  derheqê çalakîye de eşkerayîya nuştekîye daye.

Eşkerayîye wina ya:

“Ewro serê sibayî tîmêkê ma yo ke pabesteyê Tabûrê Bêmergan o verê Wezîrîya Karanê Zereyî yê Tirkî de çalakîya fedayîye kerde. Na çalakîye bitaybetî roja akerdişê meclîsî de nêzdiyê ci de  vera merkezê qirkerdiş û îşkenceyî ameye kerdene. Çalakîye senî ke ameye organîzekerdene, wina ameye kerdene. Hemrayanê me yê çalakwanan nîzamîye tesfîye kerd û kewtî zere. Na çalakîya fedayîye resayê armacê xo. La sey tim rejîmo faşîst ê AKP-MHPyî şarî xapîneno û mergan înkar kano. Wa her kes bizano ke eke endamanê Tabûrê Bêmergan biwaştayêne eşkayêne saeta çalakîye bibedilnê  û netîceya ci giranêr bikerê. La înan bi zanayîş wina kerd ke mesajê xo bişawê cayanê eleqedaran û înan hîşyar bikerê.

Çalakîya ke ameye kerdene çalakîya pawitişê meşrûyî ya. Dewleta tirke heme qanûnan binpay kena, zîndanê Tirkîya û Kurdîstanî açarnayî îşkencexaneyan. Polîtîkaya tecîrîdî çend şina xorî bena. Vera gerîlayan çekê  kîmyewî yê qedexeyî yenê şuxulnayene. Xozaya Kurdîstanî yena talankerdene. Şarê kurdî û heme hetanê demokratîkan ser o zext est o. Na çalakîya vera nê pêrune ameye kerdene. Heta ke rejîmo faşîst nê sûcan rê dewam bikero, do çalakîyê winayên zî bêrê kerdene.

Na çalakîya qehremanîye ya bimana ya ke bitaybetî roja akerdişê meclîsî de ameye kerdene, semedê yadkerdişê Fermandara Eyaletê Amedî Axîne Mûş (Hulya Demir) ya ke wextêk bi xo fermandara Tabûrê Bêmergan bî û embazanê ci yê ke pîya bi aye şehîd bîyî, ameye kerdene. Na çalakîya girde û tarîxîye hetê hemrayanê ma Rojhat Zîlan û Erdal Şahîn ra ameye kerdene. Ma nê fedayîyanê bêmergan ê Apoyî bi rêzdarî û mînetî yad kenê, nê çalakwananê qehremanan û heme hemrayanê ke paştî daye çalakîye  pîroz kenê û dewamê serekwtişê înan wazenê. Nasnameyê nê qehremanan do peyra bêrê parekerdene.”