Seba qedînayîşê tecrîdkerdişê Rayberê Şarê Kurdî Abdullah Ocalanî endamê HDP’yî Nasir Yagiz 96 rojî yo ke Hewlêr de grevê vêşanîye de yo. Rixmo ke halê êyê weşîye roje bi roje xirab bena zî çalakîya xo bi qerardarîye domneno.
Çalakîya Nasir Yagizî kewte roja xo ya 96'ine. Halê Yagizî çende şino xirab beno
Dr. Durê Mihemed Urenî vat, gonîya zereyê rehanê Yagizî hendî bi giranî herikêna û vat, “Seba ke çimê ê zihîf bîyê, nêeşkeno rind bivîno. Seredejayîş û dejê madeyî ê ser o hîna bîyo giran.”
Dr. Durê Mihemed Urenî ard ziwan ke Yagizî 14 kiloyî dayê û vat, “Yagiz nêwazeno bêro dermankerdene. Weşîya ê roje bi roje hîna bena xirab. Xeylî kilo daya, tansîyon, têgêrayîş de, bi heman hawayî çimanê ê de problem cidîyî vejîyayê werte.”
