Newroza merkezî ya Almanya 29ê adare de bi şîarê ‘Seba komelêkê demokratîkî ma xo biresnê Rayberê Azadî’do Frankfurt de bêro kerdene.

Çarçewaya xebetanê Newroze de merkezê Frankfurtî de standê zanayîşdayîşî yê di rojan ame ronayene. Stand de derheqê Newroze de zanayîş ame dayene, detayê şayîye ameyî  parekerdene. Organîzatorî bale ancene ser ke Newroze sembolê xoverdayîş û azadîye yo û veng danê şarî ke tewrê Newroze bibo. Deyîrê şorişgêre ke stand de yenê cinayene coşê Newroze inkey ra dano ciwîyayene. Ewro do stand dewam bikero.

Hetê bînî ra hemserekanê FCDK-KAWA Kerime Barçin û Mehmet Çobanî û hemserekê KON-MEDÎ Kerem Gokî Mainz û Wiesbaden de esnaf û keyeyî zîyaret kerdî û şar dawetê Newroze kerd. Çarçewaya xebetanê Newroze de ewro Darmstadt û siba zî Frankfurt û Hanau de do esnaf û keyeyî bêrê zîyaretkerdene.

Bensheimê eyaletê Hessenî de zî hazirîyê Newroze yê peyênî ameyî kerdene.Kombîyayîşê hazirîye de semedê tewrbîyayîşê şayîya Newroze ame vengdayene.