Meclîsê Cinîyan ê DEM Partî Amed de bi wesîleya Roşanê Remezanî gorê Rojîne Kabaîş û Narîne Guran zîyaret kerdî. Meclîsê Cinîyan ê DBPyî, Vervatoxa Meclîsê Cinîyan ê DEM Partî adalete Kaya, Hemşaredara Amedî Serra Bucak û aktîvîstê TJA zî tewrê zîyaretî bîyî.

Hêverî Goristanê Yenîkoyî de gorê Rojîne ame zîyaretkerdene. Cinîyan tîya de keyeyê Rojîne rê serweşîye waşte. Dima cinîyan gulî nayî gorî ser.

Dima zî gorê Narîne Guran ame zîyaretkerdene. Hemsereka DEM Partî ya Amedî Gulşene Ozer tîya de vat: ‘’Ganî Narîne tîya de bîyayêne.’’

Halîde Turkoglu vat: ‘’Tirkîya de domanî asayî nîyê. Domanî yenê qetilkerdene. Ma do xo rêxistin bikerê. Şexsê Narîne de ma soz danê pêro domanan. Ganî ma vera nê ferasetî têkoşîn bikerê.’’