Rûsya

Şaristananê Miçurinsk, Saratov û Novoaleksandrovska de kurdî bi wesîleya serrgêra ronayîşê PKKyî kom bîyî, înan govendî girewtî û sloganî vatî.

Şayîya qezaya Yerşova ya Saratovî de Îdarekarê Meclîsê Kurdan ê Yarşova  û hunermend Esad Ahmedovî qisey kerd û înan da zanayene ke ronayîşê PKKyî gandarbîyayîşê kurdan o.

Kassel

Şaristanê Kasselî yê Almanya de bi vengdayîşê Têgêrayîşê Ciwanan ê Şorişgêran û Meclîsê Şarî yê Kasselî rayraşîyayîşêk ame kerdene. Rayraşîyayîşî ra verî qedexeyê vera PKKyî ame şermezarkerdene.

Erîvan

Şaristanê Erîvanî yê Armenîstanî de Meclîsê Şarî de serrgêra ronayîşê PKKyî ameye fîrazkerdene. Şayîye de Hemserekê Meclîsê Şarî û Parlamenter Kînyas Hasanov, Şêxê êzidîyan û Endamê Komîteya Kurdîstanî Tahîr Biroyan û Hemserekê Komîteya Kurdîstanî Silo Biroyanî û Îla Tovmasyan qisey kerd. Înan qiseykerdişê xo de ard ziwan ke bi keda PKKyî kurdî aver şîyî û seke newe ra ameyî dinya.

Bern

Şayîye de posterê Rayberê Şarê Kurdî Abdullah Ocalanî de û alayê PKKyî ameyî dardekene. Çalakîye de Dîlane Zaza qisey kerd û vat: ''Ma do felsefeya Rayberîye vejîyê û têkoşîn biresnê serfîrazîye.''

Şarisranan Gavle, Sandviken û Soderhamnî yê Swêdî zî şayîye ameye kerdene.

Limasol

Şaristanê Limassolî yê Kibrisî ronayîşê PKKyî ama fîrazkerdene. Şayîye de posterê Rayberê Şarê Kurdî Abdullah Ocalanî de û alayê PKKyî ameyî dardekene.