HDP çarçewa Bernameyê Têkoşînê Demokratîkî de qezaya Licê ya Amedî de şarî reyde kom bi û esnafî zîyaret kerdî.

Wekîlê HDPyî yê Îzmîrî Murat Çepnî, Hemserekê HDPyî yê Amedî Zeyat Ceylan, Endama Meclîsê Partîya Herêman ê Demokratîkan (DBP) Safîye Akdag, endamê MEBYA-DERî Yildiz Damla, endamê Meclîsê Partîye û xeylêk hemwelatîyî tewrê kombîyayîşî bîyî.

1ê êlule de Amedî ra heta Riha 'zîncîrê merdiman' do bêro kerdene. HDPyî zîyaretanê xo de venga şarî da ke wa tewrê  ci bibê.

Wekîlê HDPyî Murat Çepnîyî kombîyayîş de qisey kerd û îfade kerd ke dewleta tirke tim polîtîkaya 'dişmenîya vera kurdanZ ra îstîfade kerd û vat: '' Dewlete hînî nêeşkena na polîtîka ser o dewam bikera. Cografyaya Kurdîstanî de qesre û hîşmendîya ci hînî nêeşkenê payan ser o vinderê.''