Partîya Demokratîke ya Şaran (HDP) dimayê eşkerakerdişê namzedanê hemşaredarîye ke seba weçînitişanê cayîyan ê 31ê Adare mojnayê, Amed de bi kombîyayîşêk daye naskerdene û beyanatê xo yê weçînitişî eşkera kerd.

4 ZIWANAN DE SLOGANÊ WEÇINITIŞÎ

Salona kombîyayîşî de pankarta ke ser o bi Kurmanckî, Kirmanckî, Sorankî, Tirkî, Armenîkî û Erebkî “Şima Xeyr Ameyê” nusîyayo ameye dardekerdene. Salone de pankante ser o, şaredarî ya ma ya (Îdareyê Cayîyî  do bi cinîyan reyna azad bibê, şaredarîyî yê ma yê) ame nusîyayene û hechecikê ke ci ra slogana “Vera şelênayîşî keda ya ma ya”, “Roja yewîtîye ya ma ya”, “Vera qayûmî îradê yê ma yo”, “Efrîn erdê Kurdan o, yê şaran o, yê ma yo”, Ma nêdanîme, ma do bîgîme, yê ma yo”, “Vera tecrîdî de azadîye ya ma ya”, “Vera gaspî îrade yê ma yo”, “Xoverrodayîşê zîndanan yê ma yo”, “Serkewtişê cinîyan yê ma yo”, “Teyna nêbeno pêro pîya, îdareyî yê ma yê”, “Azadîya cinîyan azadîya komelî ya, ya ma ya”, “Cinî vanê êdî bes o, azadîye ya ma ya”, “Vera dîktatorîye demokrasî yê ma yo” û “Ma nêdanîme, ma do bigîme, şaredarîyî yê ma yê”, ameyê nuştene.

Salona kombîyayîşî de fotografê hemsereka HDPyî Leyla Guvena ke semedê wedartişê tecrîdê girankerdeyî yê serê Rayberê Şarê Kurdî Abdullah Ocalanî 78 rojî yo grevê vêşanîye yê bêdem-bêagêrayîşî de ya û  hechecika ke serê  ci de slogana “Vera tecrîdî de mucadeleyê Leyla Guvene yê ma yo” estbi ame daliqaneyen.

BEYANNAMEYÊ WEÇÎNITIŞÎ

Seba ke kombîyayîşî de bêrê vilakerdene broşurê ke beyannameyê weçînitişê  HDPyî  têde yê ameyî amadekerdene. Bi kilmekî beyanname de ca dayîya weadanê weçînitişê HDPyî.

CUYE

* Seba ke ciwîyayîşêko demokratîk, azad û têduştî bingeyê azadîya cinîyan de yeno destgirewtene,

* Seba ke vera her tewirê zîhnîyetê nêrî û şideto ke cinîyan rê yeno kerdene de mucadele dano,

* Seba ke heme xebatanê xo de vate û qeraranê xo de îradeyê cinîyan esas gêno, HDP yê ma yo.

ÎRADE

* Seba ke selahîyetî destê merkezî de nê, cayîyî de bê û seba ke îdarekerdişê xo û şaristananê xo waşto/wazeno,

* Seba ke bi sîstemê hemserekîye modelê demokrasî cuye de kerdo aktîf,

* Seba ke bi perspektîfê demokrasî yê radîkalî heme grubê komelî kerdî zereyê îdarekerdişî, HDP yê ma yo.

KULTUR

* Seba ke vera jenosîdê kulturî mucadele keno,

*Seba ke bi xoverrodayîşê kulturî vera înkar û tadayîşî vineto û vîrê şaranê pardarî seveknayo,

* Seba ke mucadele dayo ke kulturê na cografyaya rengîne û mozaîke biresê kokanê xo, HDP yê ma yo.

ZIWAN

* Seba ke kerdo xo ver ke her cayê welatî de şarîdarîyen de zaf ziwan û kulturî ca bîgêrê,

* Seba ke vato “Ziwanê Maye heq o û şertê qebulkerdişê caardişê verênî yê nasnameyî û kulturî yê ”

* Seba ke ziwanî û şarî vera rejîmanê dîktatorîyan û dayê ciwîyayene, HDP yê ma yo.

YEWÎYE

* Seba ke îttîfaqo demokratîk û yewîya neteweyîye ya ke komelî bê ci nêbeno kerdo xo ver,

* Seba ke vera operasyonanê sereronayîş û hemilnayîşê partîyan ê sîstemî yê şovenan de vineto,

* Seba ke vera dewleta neteweyî, awankerdişê neteweyî yê demokratîkî bi hêzê xo yê komelkî pawito, HDP yê ma yo.

TEBÎET

* Seba ke soz û mucedeleyê ciwîyayîşê ekolojîkî dano,

* Seba ke heqê heme gandaranê ke tebîetî de ciwîyenê paweno,

* Seba ke mucadeleyêko gird vera heme projeyanê rantî yê ke tebîetî qetil kenê de dana, HDP yê ma yo.

WELAT

* Seba ke estbîyayîşê û azadîya şaran, bawerî û kulturê înan paweno,

*Seba ke têhetbîyayîşê heme ciyarengîyan, têduştiş û hetêyewbînankerdişê înan kerdo xo ver,

* Seba ke eseran û heme rûmetanê nê erdan sey mîrasê pardarî yê heme şaran vîneno, HDP yê ma yo.

KEDA

*Seba ke vera yewdestîyê sermayeyî de, ciwîyayîşê şaristankî yo ke ekonomîyê komelkî do gird bikero,

* Seba ke vera waroginayîşê kapîtalîzmî yo ke ciwîyayîşê ma yê komelkî û sosyalî xeripneno de vindeno,

* Seba ke piştî dano berardiş û ekonomîya cayîye, HDP yê ma yo.