Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirkî de eşkerayîyêke daye û nê pare kerdî:

Heftanîn de 3 leşkerî ameyî kiştene

''Çarçeweya Hemleya Cengê Heftanînî ya ke herêma Heftanînî ya Herêmanê Pawitişî yê Medya de dewam kena hêzanê ma 18ê gulane de vera leşkeranê tirkî yê ke Qilê Konferansê Girdî de ameybî cakerdene çalakîyêke viraşte. Çalakîya ke mewzî û stargehê dişmenî bitesîr ameyî pirodayene de 3 leşkerê îşxalkerî ameyî kiştene 2 hebe zî birîndar bîyî.

Xakurkê de 2 gerîlayî şehîd bîyî

Teyarayanê şerî yê dewleta tirke 12ê gulane de  warê Şehîde Berîtane yê Xakurkê ke pabesteyê Herêmanê Pawitişî yê Medya ya bombardûman kerd. Netîceyê nê hêrişî de 2 embazê ma şehîd bîyî. Nasnameyê embazanê ma yê şehîdan do peyra rayapêroyî dir bêrê parekerdene.''