Merkezê Îrtîbatî û Çapenîye yê HPG’yî da eşnawitene ke çarçeweya Hemleya Şorişgêre ya Cengê Heftanînî de 3 leşkerî ameyî kiştene û detayê çalakîyan pare kerdî:

‘‘22’ê Êlule de vera leşkeranê ke Qilê Şehîd Mervanî yê herêma Gelîyê Pîsaxa de ameyî cakerdene çalakîyêk ameyî viraştene, 2 leşkerî ameyî kiştene. Heman roje de Qilê Şehîd Mervanî de leşkerî reyna ameyî pirodayene û leşkerêk ame kiştene. Yewîyanê ma yê çalakîyî viraşte weş û war resayê cayê xo. 21’ê Êlule de herêma Partîzanî de Dola Şehîd Ahmet Rapo de hêrişê hewayî ame viraştene. Bi hawayêkê hemwextî xeta sinorî ra qereqolan ra bi obus û havanan herême ameye bombardûmankerdene. 21’ê Êlule de qezaya Çelê ya Colemêrgî de  herêmê Kinyanîşî, Qela Bêdehê, Dola Hedera, Tepê Hemze û Tepê Gundîya ameyî bombardûmankerdene. Nê hêrîşan de vînîbîyayeyê ma çîn ê.‘‘