HPGyî nasnameyê 3 gerîlayê ke 23ê adare de Heftanîn de şer de şehîd bîyî eşkera kerdî û da zanayene ke 25ê adare de heman warî de seba qesasê 3 gerîlayan çalakîyêke ameye kerdene û 3 îşxalkerî ameyî cezakerdene.
Merkezî Îrtîbatî û Çapemenîye yê HPGyî nasnameyê 3 gerîlayê ke 23ê adare de Heftanîn de şer de şehîd bîyî eşkera kerdî.
Eşkerayîye wina ya:
''23ê Adara 2021î de hêzanê ma warê Bektorya yê herêma Heftanînî de di baskan ra vera îşxalkeran Girê Koordîne de çalakîyêke kerde. Na çalakîye de embazê ma Mîrza, Bêrîtane û Jînda yê ke nêzdî ra vera dişmenî şer kerd pê çêrî bîyî şehîd. Nasnameyê embazanê ma yê şehîdan wina yê:
|
|
Nameyê Qodî: Bêrîtane Kobanê Name û Peyname: Talîvane Terpûş Cayê Bîyayîşî: Kobanê Maye-Pî: Îslîme-Fethî Tarîx û Cayê Şehadetî: 23ê Adara 2021î/Heftanîn |
|
|
Nameyê Qodî: Mîrza Tolhildan Name û Peyname: Devran Demîr Cayê Bîyayîşî: Mersîn Maye-Pî: Saadete-Mûrat Tarîx û Cayê Şehadetî: 23ê Adara 2021î/Heftanîn |
|
|
Nameyê Qodî: Jînda Mardîn Name û Peyname: Zeynepe Acet Cayê Bîyayîşî: Riha Maye-Pî: Zehra-Vahît Tarîx û Cayê Şehadetî: 23ê Adara 2021î/Heftanîn |
Embazê ma Mîrza eslê xo de dewa Memîra ya qezaya Dihî ya Sêrtî ra yo û Mersîn de dadîya xo ra bîyo û hema ciwan bi tewrê têkoşînê azadîye bi. Embaz Mîrzayî mîrasê şehîdan dewr girewt û pê ruhê xoverdayîşî tewrê gerîlayan bi. Embaz Mîrza pê felsefe û îdeolojîya Rayber Apoyî xo xemilna û rayîrê Egîd û Zîlanan xo rê kerd esas. Embaz Mîrzayî pêro wezîfeyê xo bi temamî ardî ca, bi fermandarêko mîsal.
Embaza ma Bêrîtane Kobanê de dadîya xo ra bîya û rayîrê şehîdan teqîb kerd û tewra têkoşînê gerîlayan bîye. Embaze Bêrîtane tim xîret kerd ke xo aver bera û vera kerdişanê qirkeran ê dewleta tirke pê taktîkanê gerîlayan cewab da. Embaze Bêrîtane asta artêşbîyayîşê cinîyan de xo aver berd û pê ruhê Bêrîtane û Zîlane şîye dişmenî ser. A do tim pê kesayetê xo yê çêrî mîyanê çêranê bêmergan ê Heftanînî de bêra yadkerdene.
Embaze Jînda aslê xo de Mêrdînî ra ya la Riha de dadîya xo ra bîya û 2016 de vera kerdişanê qirker û faşîstan tewra gerîlayanê azadîye yê Kurdîstanî bîya. Embaze Jînda pê qerardarîyêka pîle vera zor û zehmetîyan têgêraye û seba ke qesasê qirkerdişan bigêra tim xîret kerd. A pêro çalakîyan de pê tewrê milîtanîya Apoyî şîye dişmenî ser û Heftanîn de bi çêrî şer kerd. Embaze Jînda pê şehadetê xo rayraşîyayîşê xo yê azadîye tacîdar kerd.
3 îşxalkerî ameyî cezakerdene
25ê adare de çarçewa Hemleya Şorişgêre ya Cengê Heftanînî de warê Bektorya yê herêma Heftanînî de îşxalkerî Girê Koordîne de pê çekanê taybetan ameyî priodayene. Na çalakîye de kozikê îşxalkeran ame îmhakerdene û 3 îşxalkerî ameyî cezakerdene. Îşxalkeran çalakîye ra dima axpînê dewa Rûsî dayî bombayan ver û kişteyê xo berdî.
Na çalakîye seba qesasê embazan Mîrza, Bêrîtane û Jînda ameye kerdene ke 23ê adare de heman warî de bi çêrî şer kerd û şehîd bîyî.''
