Merkezê Îrtîbatî û Çapemenîye yê HPGyî pê eşkerayîyêke da zanayene ke hêzanê înan Heftanîn de derbê giranî dayî artêşa TCyî ya îşxalkere ro. 

Eşkerayîya HPGyî wina ya:

''Herêma Heftanînî ya Herêmanê Pawitişê Medya de xoverdayîşê hêzanê ma yê vera îşxalê artêşa TCyî dewam keno. Çarçewa Hamleya Şorişgêre ya Cengê Heftanînî de çalakîyê ke hêzanê ma kerdî wina yê:

11ê temmuze de artêşa TCyî waşt ke ver bi Girê Şehîd Bîrhat û Girê kartalî yê Bektaryo de aver şora. Hêzanê ma na yewine viste binê kontrolî û vera îşxalkeran tay çalakîyî kerdî. Netîceya 3 çalakîyan de qaso ke ame zelalkerdene 7 leşkerî ameyî cezakerdene, xeylêk leşkerî zî birîndar bîyî.

Hêzanê ma serê sibyayî yê heman roje cayê Girê Kartalî û Şehîd Bîrhatî de vera îşxalkeran çalakîyêka sabotajî kerde. Çalakîye de 16 leşkerî ameyî cezakerdene, 5 leşkerî zî birîndar bîyî.

Şer û bombarduman de ke cayê Girê Kartalî û Şehîd Bîrhatî de qewimîyayî, embazê ma Evîne û Bahoz şehîd bîyî.

12ê temmuze de îşxalkeran waşt ke warê Xantûra ra ver bi Dola Bizina û Girê Danîne aver şorê la hêzanê ma nê 3 peran ra vistî binê kontrolî û çalakîye kerde. Na çalakîye de 3 leşkerî ameyî cezakerdene. Wexto ke dişmenan waşt warî ra xo tepîya biancê bîyî hedefê hêzanê ma. Na çalakîye de zî 5 leşkerê dişmenî ameyî cezakerdene.

Artêşa TCyî ya îşxalkere 2ê temmuze de warê Dewa Axûla ya qezaya Payîzava ya Wanî de dest pê operasyonêkê îşxalî kerdbi. Mabênê artêşa TCyî ya ke waştêne pê helîkopterî leşkeran bida û hêzanê ma de şer qewimîya. Nê şerî de embazê ma Welat, Kendal û Azad ê ke bi hawayêkê çêrî şer kerd, şehîd bîyî.''