Hemleya Cengê Heftanînî ke vera hêrişê îşxalê dewleta tirke ameye destpêkerdene, hîrê hewteyî xo ra dima verdayî. Hemleya gerîlayan merhaleyêka senîn de ya? Xeylêk alternatîfî estê. Metodo ke hesabanê îşxalkeran xeripneno xoverdayîş o. Naye ra wetêr çîyo bewlîkerdox bawerîya serkwtişî ya.

Gerîlayê Kurdîstanî bi serran o ke morê xo danê xoverdayîşî ro. Hela ke ame vatene ke her çî qedîya­­,  bi bedilnayîşê taktîkê gerîlayan şar reyna wuriştê payan ser û gan da xoverdayîşî. Ewro zî heman xoverdayîş dewam keno û  şarê kurdî bertengê serkewtişî de yo. Cengê Heftanînî mabênê teknîk û sêne bi sêne pêrodayîşî de yo.

Çimeyê gerîlayan her roje derheqê merdeyanê leşkeranê artêşa tirke zanayîş danê. Gerîlayî têdima dîmenanê çalakîyan vila kenê la dewleta tirke heta nika îdîa kena ke têna 4 leşkerî ameyî kiştene. Dewê nizdîyê koyan yenê vengkerdene,  tayî banê dewijan yenê vêşnayene, herême yena bombardumankerdene ke wa erazî û heywanî çîn bibê, şar yeno qetilkerdene, bê cîyakerdişê gerîla û domanêkê qicî çekê teknolojîkî yenê şuxulnayene. Nê pêro ramojnenê ke no operasyon têna vera gerîlayan nîyo.

Wazenê şar û gerîlayî cêser bîfînê

Armancê înan oyo ke gerîlayan û şarî cêser bifînî, yewînan ra raqilnê. Çîyêko balkeş zî oyo ke hedefê artêşa tirke têna koyî nêyî, wazena ke herra Başûrê Kurdîstanî de xo ca bikero û herême bigêro binê kontrolê xo.  Seba ke Xantûrî ra hîrê leteyê Kurdîstanî yenê vînayene, îşxalkerî verê xo danê ûca. No qil Zaxo, Karacox û Botanî rê hekîm o, coka nê tepiştenê. Wazenê ke ûca ra xo biancê Zendûra ke başrûê Xantûrî de ya. Planê înan oyo ke dima ra Metîna ser ra heta Lelikanî şirê. No yeno manaya heme Başûrî. Dewleta tirke ya îşxalkere serra 1992 de no ceribnabi la ser nêkewtîbî.

Gelo şarê Başûrê Kurdîstanî ferqê naye de yo? Qismek ferqê ci de yo ke tim kuçeyan de ano zanê ke erdê xo de dewleta tirke nêwezeno. La hukmatê Başûrî çimê xo girewtî, pêşmergeyî kerdî bêînîsîaytîf, bê nêrazîbîyayîş ramotiş şarê xo nêpaweno. Têna paştdayîşê yewbînan ê gerîla û şarê Başûrî eşkeno çareserî bîyaro. Qet kesêk hêzê şarî ra wetêr nîyo hendeci  jîhat nîyo.

Beno ke xoverdayîş derb bikero la  bi serkwtiş do biqedîyo

Her kes meraq keno ke artêşa tirke ya îşxalkere herra Başûrî de çend aver şîya.  Eke ma naye rê vajê averşîyayîş ma îşxalî sey meşrû ramojnenê. No averşîyayîş nîyo, operasyonê îşxalî yo. Mabênê leşkeran û gerîlayan de Xantûr, Şeşdara, Dupişk de pêkewtişê giranî qewimîyenê. Xeylêk leşkerî ameyî kiştene, xeylêk çalakîyî ameyî kerdene û yenê kerdene.

Nê pêkewtîşan de şehadetê gerîlayan zî qewimîyayî. 14 gerîlayanê ke xeta xoverdayîşî emanêtê hemrayanê xo kerde, semedê pawitişê anor û herra şarê Başûrî xo feda kerd û şehîd bîyî. Beno ke na hemle derg bikero. Ne gerîlayî peyer ancîyenê, ne zî îşxlakerî cesaret kenê ke qilan ra bêrê war. Na herre xoverdayîşî rê şahîdîye kena ke serkewtişî ra nîzdî yo.

Na herre meydanê cengî de qehremanê sey Amara, Zeryane, Esmer, Şoreşger, Welat, Tolhildan, Mervan, Çekdar û xeylêk qehremanê bînî ke zerrîya xo ra vetî newe ra kerdî bêmerg. No zî ramojneno ke gerîla hema xover dano. Ganî pêrodayîşo ke no meydanê cengî de yeno kerdene bêro vînayene, eşnawitene û hîsskerdene.