Xoverdayoxanê Heftanînî ra Rizgar Welatî ard ziwan ke Heftanîn de şerê gerîlayan hema newe dest pêkerd û vat: ''Dewleta tirke Heftanîn de do bifetisa.''

Hêrişê îşxalî yê dewleta tirke yê vera Heftanînî dewam kenê. Rizgar Welato ke destpêkê operasyonê îşxalî de ame Heftanîn ard ziwan ke dewleta tirke seba nê operasyonî îmkanê xo yê teknîkî vistî dewre. Welatî îfade kerd ke gerîlayî zî bi hawayêkê amadeyî vera nê operasyonê îşxalî weriştî payan ser û vat: ''Amadekarîyê embazanê ma asta berze de bîyî. Her warê Heftanînî de xoverdayîşêko pîl ame mojnayene. Gerîlayî bi hawayêkê profesyonelî tewrê şerî bîyî. 

Dewleta tirke operasyon de teknîkê hewayî xebitnena, êyê ke erdî ser o têgêrenê cergê dişmenan ê. Êyê ke erdî ra hêriş kenê bi giranî cerg ê. Sey propagandaya dişmenan nîyo. Gerîlayî her cayê Heftanînî de yê û xo ver danê. Ver dişmenî çalakîyê xurtî yenê kerdene. Tersêko pîl kewt zerrîya dişmenî. Dewleta tirke do Heftanîn de bifetisa. Şer beno ke hema zî dewam bikero. Dewleta tirke do nêeşka ser bikewa. Heftanîn do bibo goristanê dewleta tirke.

Çimeyo bingeyî yê xoverdayîşî Rayber Apo yo. Heftanîn de şerê gerîlayan ê vera dewleta tirke hema newe dest pêkerd. Tirkî ameyî la vejîyayîşê înan do asan nêbo.''