Spartayîjî wayîrê metodanê cîyayan ê şerî yê. Hema ke qijkek ê sey leşkerî benê pîl. Qijkekîya xo ra vêşanîye, têşanîye serd û germ musenê. Musenê ke senî têkoşîn, xoverdayîş û şer bikerê. Seba spartayîjan rûmet her çî ra girîngêr o.

Zerya Heftanîn de pê rengê cinîyan ê spartayîjan bîye. Pê PKKyî xo newe ra aferna û xo resna manaya tewr rinde ya estbîyayîşî. Zerya Mahîr pê xoverdayîşî xo resna fîrazîya Heftanînî. Embazêka aye wina vana: ''Ma hetê aye de nêbî, ma nêeşkê xo biresnê aye, aye bi sereyê xo xîret kerdêne ke vera leşkeran şer bikera. Bi sereyê xo bi desan leşkerî kiştî, seba azadî û cuye têkoşîn kerd.''

Derya Çavuşoglu serra 1998î de Mûş de dadîya xo ra bîye. Serra qijkeke de tewra PKKyî bîye, ameye Heftanîn. Heftanîn de derheqê gerîlayan de her çî musa. Zerya mendêne yew reng nê hewt rengî. 

Zerya Mahîr serra 2020î de Cengê Heftanînî de warê Şeşdara de bi sereyê xo çeperêk de serê girêkî de heta peyêne vera artêşa tirke ya îşxalkere şer kerd û dima zî kewte verarê erdî.