Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirkî de eşkerayîyêke daye û nê pare kerdî:

''Çarçeweya Hemleya Şorişgêre ya Cengê Heftanînî de vera hêrişê îşxalî yê dewleta tirke ke vera Heftanînî yê Herêmanê Pawitişê Medyayî ameyo destpêkerdene çalakîyê ke ameyî kerdene detayê înan wina yê:

Yewîyanê ma yê pawitişê hewayî 19ê hezîrane de Qilê Şehîde Bêrîvane de, 28ê hezîrane de Qilê Dupişkî û 1ê temmuze de zî warê Xantûrî de vera îşxalkerkan hewa ra  çalakîyî kerdî. Hûmara leşkeranê ke ameyî kiştene zelal nêbîye.

1ê temmuze de hêzanê ma warê Xantûrî de di peran ra dişmenî ro. Dima ra pêkewtişî vejîyayî. Hûmara merde û birîndaran ê leşkeran zelal bêbîye. Eynî wextî de Qilê Şehîd Adarî de dişmen ame prodayene, leşkerêk ame kiştene.

Eynî roje Qilê Dupişka de dişmen hedef ame girewtene. Çalakîya ke mewzîyê dişmenî di peran ra ameyî pirodayene de 5 mewzîyî ameyî prodayene û  xeylêk leşkerî ameyî cezakerdene.

26-30ê hezîrane de artêşa îşxalkere warê Xantûrî bombarduman kerd. Netîceyê hêrişî de embazê ma Şoreşger û Welat şehît bîyî.

Ma eşkerayîya xo ya 28ê hezîrane de vatbi ke embaza ma Sema pêkewtişê Şeşdara de şehîd kewta. Embaza weş a, birîndar esîr kewta destê dişmenî.

Çerçeweya Hemleya Şorişgêre ya Şehîd Bagerî û Şehîde Ronya de  hêzanê ma Qilê Şehîde Axîne yê herêma Xakurkê de vera radarêk çalakîye kerde, radar ame îmhakerdene. Badê çalakî herême ameye bombardumankerdene.

29ê hezîrane de Geverê Colemêrgî de hêzanê ma vera wesayîtêkê zirxînî çalakîyêk kerde. Çalakîya bitesîr de hûmara merde û birîndaranê leşkeran zelal nêbîye. Na çalakî de embazê ma Partîzano ke vera dişmenî bi kahramankî şer kerd şehîd kewt.

Embazê ma yo ke şehîd bi zanayîşê derheqê nasnameyê ci wina yê:

Nameyê Qodî: Partîzan Botan Name û Peyname: Adil Akyurek Cayê Bîyayîşî: Mêrsîn Maye-Pî: Hanîfe – Cemal Tarîx û Cayê Şehadetî: 29ê Hezîrana 2020 / Gever

Hemrayê ma Partîzan vera polîtîkaya qirkerdiş û asîmîlasyonî  serra 2012î de vera xo koyanê Kurdîstanî û heta şehadetê xo heme wezîfeyê xo bi serkewtiş ardî ca. Sere de keyeyê ercaye yê embazê ma Partîzanî rê ma pêro şarê Kurdîstanî rê serweşîye wazenê û ma soz danê ke ma do alaya azadîye ya şehîdan bi serkewtişî tacîdar bikerê.''

1ê temmuze de teyarayê artêşa tirke Qilê Çîyayê Reşî, Qilê Cehenemî, dewa Saca û warê Karkerî yê Zapî û dormeyê dewa Yekmalê yê Garê bombarduman kerdî. Nê hêrişan de vînîbîyayeyê ma çînê.''