Goreyê xeberanê herême ra ameyî girewtene, serê sibayî ra nata Kampa Multecîyan a Şehîd Rustem Cûdî (Mexmûr) ser o têgêrayîşê zêde yê helîkopteran esto. Saetanê sibayî ra nata asmênê kampê Mexmûrî de helîkopterî gêrenê. Hetê bînî ra mîyanê na hefteye de têgêrayîşê helîkopteran zêdîyayo.

Nêno zanayene ke helîkopterî pabesteyê arêtşa Iraqî yan zî Koalîsyonê Mîyanneteweyî yê verba DAÎŞ'î yê. Vîrardişêko girîng o ke dimayê serebûtê 17'ê Tîrmeha 2019'an ê Hewlerî ke endamê MÎT'î Osman Kose hêrişêkê bi çekan de ame kiştene, PDK'yî ambargoyêk dayo ser kampe û der û dorê kampe girewto. Nê 63 rojî yo ambargoyê PDK'yî ser kampe de esto, hetê bînî ra çalakîya Dadîyê Haştîye yê Mexmûrî ke verba ambargo û derûdorgirewtişî de amebî destpêkerdene roja 18'îne de dewam kena.