Endama Komîteya Merkezî ya PKKyî Hêlîne Umît bernameyê taybetî yê Medya Haber TVyî de Operasyonê Şorişgêrî yê HPGyî ercnayî.

Qiseykerdişê Hêlîne Umît ra tay noqtayê girîngî wina yê:

''Ez xoverdayîşê Îmraliyî yê Rayber Apoyî selam kenê. Serra 2024î bi çalakîyanê seba azadîya Rayber Apoyî dest pêkerd. Kampanya, xebat û çalakîyê seba azadîya Rayberîye zaf girîng ê û ganî bêrê hîrakerdene. Waştişê azadîya Rayberîye yeno manaya waştişê rijnayîşê rejîmmê Îmraliyî û demokratîkbîyayîşê Tirkîya.

Rojdemê Tirkîya de şer est o.  Dewleta tirke 2009î ra nata bi giranî hêrişê Herêmanê Pawitişî yê Medya kena. Nêzdîyê serrêk a ke ma vanê ke artêşa îşxalkere do nêeşka gerîlayan tîya ra veja. Merkezê ma, fermandarîyanê ma û Merkezê HPGyî na babete de artêşa tirke çend reyî bi giranî hişyar kerd. Gelo hende asan o ke ti erdê Kurdîstanî îşxal bikerî? Gerîlayî ewladê Kurdîstanî yê û do rayîr nêdê îşxalî.

Îqtîdarê AKP-MHPyî û dewleta tirke ya faşîste leşkeranê xo yê merdeyan şarî û rayaumûmîye ra nimnenê. Raştîyî nênê mojnayene. Netîceya Operasyonanê Şorişgêran ê gerîlayan de xeylêk leşkerî kişîyayî la dewlete ge vana 9 kesî ge vana 10 kesî. Ez nêwazena hûmara merdeyan ser o qisey bikera. Teyna wazena ney vaja ke çira raştîyî şarî rê nimîyenê? Dewleta tirke hende teng bîya ke kena ke warê mîyanneteweyî ra paştî bigêra.

Asta şerî ya nikayêne de artêşa tirke nêeşkena verê derbanê gerîlayan de vindera. HPGyî bi xo çend reyî hişyarîya 'Apey şorê, nêbo ma do şima îmha bikerê' dabî ke nika na hişyarîye ano ca. Dewleta tirke warê mîyanneteweyî de zî teng bîya. Coka her çî kena malzemeya şerî. Dewleta tirke şerêkê neheqî û qirkerdişî kena. La kurdî şerê azadîye kenê û erdê xo pawenê coka artêşa tirke mehkuma binkewtişî ya.

Ez Operasyonanê Şorişgêran ê embazanê ma selam kena. Nê zimistanî û vewre de embazê ma bi îradeyê şorişgêrî şer kenê. Çunke dişmen ziwanêkê bînî ra fam nêjeno. Heta ke heqê kurdan bişinasîyê no têkoşîn do dewam bikerê. Ganî her kes bizano ke PKK rixmê pêro şert û mercan zî do têkoşînî rê dewam bikero.

Dewleta tirke bi hêrişanê xo yê vera Rojawanî sûcê şerî kena. Verê çimanê dinya de hêrişê şarî kena. Dewleta tirke ya ke hende Îsraîlî rexne kena, Îsraîlî ra yew cîyatîya ci çin a. Rojawanê Kurdîstanî erdê kurdan o û bêwayîr nîyo. Senî ke bi zorî koçkerdişê roniştoxanê Gazze sûc o, bi zorî koçkerdişê şarê Rojawanî zî hende sûcê vera merdimatîye yo.''