Merkezê Îrtîbatî û Çapemenîye yê HPGyî derheqê hêrişê îşxalî yê dewleta tirke û çalakîyanê gerîlayan de eşkerayîye daye.

Eşkerayîya HPGyî de nê ameyî parekerdene:

''Hêzanê Pawitişê Hewayî yê Şehîde Delale 28ê nîsane de vera baregehê artêşa tirke ya îşxalkere yê Kanî Masî yê Amedîye yê Başûrê Kurdîstanî çalakîyêke kerde. Îşxalkerî pê wesatîyanê hewayî ameyî pirodayene. Hedefî bi hewyêke serkewteyî ameyî pirodayene.

Detayê çalakîyan ''Hemleya Şorişgêre ya Bazanê Zagrosî'' yê derbeyê pîlî dîyayî dişmenî rê wina yê:

Avaşîn

24ê nîsane de Qilê Şehîd Mûnzûrî yê warê Mamreşoyî yê Avaşînî de grûbêka îşxalkeran ameye pirodayene. Na çalakîye de di îşxalkerî ameyî cezakerdene. 25ê nîsane de eynî ca de reyna vera îşxalkeran çalakîyêke ameye kerdene. Çalakîye de îşxalkerêk ame cezakerdene di îşxalkerî zî birîndar bîyî. 26ê nîsane de Qilê Şehîd Serdarî yê Avaşînî de vera îşxalkeran pê katyûşayan di  çalakîyî ameyî kerdene. Netîceya wird çalakîyan de leşkerêk ame cezakerdene û hîrê îşxlakerî birîndar bîyî. Eynî roje Qilê Şehîd Mûnzûrî yê warê Mamreşoyî yê Avaşînî de îşxalkerî ameyî pirodayene. Humara merde û birîndar nêameye zelalkerdene. 27ê nîsane de warê Mamreşoyî yê Avaşînî de îşxalkeranê ke waştênê bikewê mewzîyanê şerî vera înan çalakîya sabotajî ameye kerdene. Tîya hîrê îşxlakerî ameyî cezakerdene.

Zap

26ê nîsane de Qilê Bêdewê yê Zapî de saetanê serê sibayî ra heta şan vera îşxalkeran têdima çalakîyî ameyî kerdene û îşxalkerî bi hewayêkê bitesîrî ameyî pirodayene. Nê çalakîyan de panc îşxlakerî ameyî cezakerdene. Badê çalakîye artêşa tirke herême pê teyrayaranê şerî bombarduman kerde. Îşxalkeran saetanê şanî de merde û birîndarê xo pê helîkoteranê Skorskyan kiriştî. 27ê nîsane de Qilê Xereqolî yê Zapî de îşxalkerî ameyî pirodayene.

Hêrişê hewayî

Artêşa tirke ya îşxalkere Herême Pawitişî yê Medya bombarduman kerdî. Detayî wina; 27ê nîsane de warê Kunişka, Şehîd Şahîn û Herfa Tyî yê Zapî, warê Aris Faris û Mamreşoyî û Şukê yê Avaşînî pê teyarayanê şerî ameyî bombardumankerdene. Nê hêrişan de vînîbîyayeyê ma çîn ê.''