Embazêkî çend mengî verî vatbi ''Heta ke na awe bihêrîka gerîlayî do Avaşîn de biciwîyê û şer bikerê.'' Nika ne awe vindena ne zî gerîlayî vindenê.

Avaşîn de ne awe ne zî gerîlayî vindenê!

26ê Nîsana 2021î- Roja 3. ya Xoverdayîşî

Dişmen bîlasebeb nêameyo Avaşîn. Înan tîya de verî zaf derbî werdî, helîkopterê înan tîya de ginayî erdî ro, teknîkê înan pûç bîyo û xîretê înan bênetîce mendî. Gerîlayan tewr zaf tîya de dest na çekanê înan ser. Coka Avaşîn înan rê bîyo derd. Wa bo!

Operasyonî ra 15 rojî verî cara embazan platforman de vatbi ke ê do artêşa tirke Zagrosan de çin bikerê. Seke rayberanê xoverdayîşê Mamreşoyî ra embaz Serhatî vatbi 'Ma zî gêrayêne înan, xo bi xo ameyî verê destê ma.' Nika wext wextê pratîkî, caardişê sozî bi.

Warê Şûkê de çalakîya dekewtişê mîyanî ya vera leşkeranê tirkan startê çalakîyan ê bînan ê Hemleya Bazanê Zagrosî bi. Embazan na çalakîye de pê taktîkê 'dekewtişê mîyanî' kewtî mewzîyanê dişmenî û çar îşxalkerî ceza kerdî, dest na çar çekan ser. Çalakîya Şûkê nîşaneya ruhê Apogîrî û çêrîye bîye. Wexto ke ma dîmenan de dî ke embaz Şerker Arapî hem bombaya destî erzeno dişmenî ser hem zî qîreno ma pê hûyayî la ma binê tesîrê ci de zî mendî. Bi taybetî hîsê girewtişê qesasî wextê çalakîye de rayîrê hîsan ê bînan akeno. Qîrayîşê Şerkerî de zî no hêrs estbî. Zagrosan de do qesasê înan bêro girewtene.

Fermandarê Hemleya Şorişgêre ya Bazanê Zagrosî Amed Malazgîrtî cîhazî ra embazê çalakîye fîraz kerdî û vat o do çekêke dîyarîya nê embazan bikero.

Wextê şerê tunelan!

28ê Nîsana 2021î- Roja 5. ya Xoverdayîşî

Xoverdayîşê tunelanê Şehîd Serdarî û Şehîd Munzurî yê waranê Mamreşo û Mervanosî asta şerê azadîye ya Kurdîstanî vurnena. Gerîlayî reya verêne tunelan de bi rojan xo ver danê. Operasyonî ra verî wextê amadekarîye de embazan wina armanc kerd ke nê mewzîyî do serfîrazîye bîyarê. Xoverdayîşo bêhempa yê tunelan ê Mamreşo û Mervanosî netîceya nê armancî bi. Leşkerê tirkî her roje vera nê tunelan gazê kîmyewî, bomba, gazê jehrînî, bisvinf şuxilnenê la nêeşkenê netîce bigêrê. Embazî verê tunelan de derbanê pîlan danê leşkeran ro. Nê tunelê ke bi serran pê keda embazan game bi game virazîyayê nika şahîdê xoverdayîşê gerîlayan ê. Dewleta tirke nê tunelan de bin kewte, teknîk û teknolojîya ci nê tunelan de ameyî pûçkerdene. Xoverdayoxan peynîya nê tunelan de roşnîye dîye û seba ke xo biresnê roşnîye xoverdayoxî hê şer kenê. Şerê tunelan do tarîx binusê û roşnîya peynîya tunelan do Avaşînî ra heta pêro Kurdîstanî vila biba.

Şehîdê verênî yê xoverdayîşî: Dilşêr, Ekîn, Asya û Çîyager

30ê Nîsana 2021î-Roja 7. ya Xoverdayîşî

Avaşîn nika meydanê çêrîye û qehremanîye yo. Meydanê cengî yo. Embazêkî çend mengî verî vatbi ''Heta ke na awe bihêrîka gerîlayî do Avaşîn de biciwîyê û şer bikerê.'' Nika ne awe vindena ne zî gerîlayî vindenê. Avaşîn înadanê dişmenî ra coş beno, hêrikîyeno. Rayîr nêdano zulmî. Avaşîn bîyo hemrayê gerîlayan, ver bi gerîlayan herikîyeno, gerîlayan reyde xo ver dano, gerîlayan keno verarê xo.

Têna tunel û mewzîyan de nê embazî Mervanosî ra heta Şûkê û Mamreşoyî erazîyan de xo ver danê.

Embaz Dilşêr Egîd 23ê nîsane de semedo ke paştî bido embazan bêteredut kewt rayîr. Rayîr de bombarduman de şehîd bi. O şehîdo verên ê Hemleya Bazanê Zagrosî ya Avaşînî yo. O yewina çekan ê giranan de bi û Hesekê ra bi. Ey zaf qisey nêkerdêne la wexto ke qisey bikerdêne tim pê ferasetî çekuyê xo xebitnayêne. Ey rixmê nêweşîyanê xo yê fîzîkîyan Zagrosan de mend û têkoşîn kerd. Ey roportajêk de Avaşîn ser o wina vatbi: ''Senî yew dadîye miqatê tûtê xo bena, kena pîl Avaşînî zî wina ez kerda pîl, kerda şorişgêr.''

Embaze Ekîne Tolera Avaşîn de pê nameyê dewa xo yanî 'Tolera' şinasîyayêne. Embaze Ekîn 2008 de amebî Avaşîn û giranê Şehîd Serdar û Şehîd Dilgêşî de rimxê pêro xehmetîyanê Zagrosî kedêka pîle daye û fermandarîya yewina gerîlayan a Mervanosî kerde.

Embaze Ekîne sembola sadetî û xozayî, çêrîye û hêrsî ya cinîya gerîla bîye. Wexto ke 23ê nîsane de dişmenî hêrişê Mervanosî kerd embaze Ekîne vazdaye ke xebere bida embazan. Embaze Ekîne kede û nan dabi nê erdî. Aye tim seba pawitişê nê erdî şer kerd. Embaze Ekîne wexto ke artêşa tirke warê Şehîd Dilgêşî de leşkerî ardêne war embaze Asya Kerîm reyde hêrişê hewayî de şehîd bîye. Ê wirdî şehîdê cinîyî yê verênî yê Hemleya Bazanê Zagrosî bîyî.

Embaze Asya Kerîm sêrtije bîye û aye metropolan de welatperwerîye musaye. Embaze Asya 2014 de Bursa ra tewra têkoşînê azadîye bîye û 2018 de ameye Avaşîn. Embaze Asya heta şehadetê xo zî Mervanos de gerîlatîye kerde. A tim bimoral, bihêz bîye. Embaze Asya Zagrosan de gerîlatîye musaye. Seba ke deynê xo bida Zagrosan aye pawitişê ci de zî ca girewt. Embaze Asya a şewe embaze Ekîne reyde seba pawitişê nê koyan verê xo da giran. Embaze Asya newe ra bîye hemraya nê koyan.

Embaz Çîyager semedo ke bibo layîqê nameyê xo ciwîyayêne. Avaşîn de her kesî Çîyager şinasnayêne. Eke Avaşîn de hewceyê şima bi hetkarîye bibî, eke mesele yan zî tengîyêka şima bibî embaz Çîyager ca ameyêne şima hetî. Coka embaz Çîyager hemra û dostê her kesî bi. Ez tim pê kewta hîkmet ke o senî hende hol eşkayêne pê fekê Botanî qisey bikero. Ey tim ziwan, kultur û nasnameyê xo pawit. Çîyager Cûdîyî ra heta Çarçella hîkayeyê xoverdayîşî nuştbî. Tradîsyonê xoverdayîşî yê Cizîre Çîyagerî reyde Zagrosan de ciwîyayêne.

Embaz Çîyager şerwan bi. 23ê nîsane de verî embaz Çîyagerî çeka xo girewte xo destî. O seba ke vera leşkeranê ke waştêne Şehîd Dilgeş de ca bidê xo şer bikero kewtbi rayîr. Embaz Çîyagerî heta guleyê xo yê peyênî, çilka peyêne ya gonîya xo şer kerd û rayîr nêda dişmenî. Bi nê hawayî hîkayeya embaz Çîyagerî tewra hîkayeyanê Zagrosan bîye.

Ê bîyî şehîdê verênî yê xoverdayîşî, înan peyê xo de teqîbkerdoxanê xo rê kelecan û sozê serfîrazîye yê na cuye verdayî.