Hêrişê îşxalî yê dewleta tirke yê vera Başûrê Kurdîstanî dewam kenê. Gerîlayanê YJA-Starî yê Hemleya Şorişgêre ya Bazanê Zagrosî Dêrsime Baran, Nûcane Heqî û Nûjîyane Spertî hêrişê îşxalî û xoverdayîşê gerîlayan ANFyî rê ercnayî.

Gerîla Dêrsime Baran îfade kerd ke ê do her ca de cewab bidê hêrişan û vat: ''Hemleya Bazanê Zagrosî de xoverdayîşê çerî yenê kerdene. Dewleta tirke hêrişê ma, hêrişê şarê ma, hêrişê goranê ma, hêrişê ziwanê ma keno. La ma xoverdayîşê embazan Serhat, Dîlane, Rûkene û Sarya de dî ke dişmen senî bin kewto. Ganî şarê ma pêro parçeyanê Kurdîstanî de vera dişmenî bibo yew û paştî bido gerîlayan.''

Gerîla Nûcane vat: ''Ma pê felsefeya Rayberîye têkoşîn kenê. Dişmen hende tersnek o ke Mamreşo de pê xoverdayîşê emabazanê ma nêeşka û çeka kîmyewîye xebitnaye. Ma do sey fedayîyanê Rayber Apoyî heta peynî têkoşînê embazanê xo rê dewam bikerê. Ez pê bawer a ke şarê ma zî do ma reyde têkoşîn bikero û dişmenî bin bikero.''

Gerîla Nûjîyane vat: ''Tesadûf nîyo ke dişmenî serrgêra Qirkerdişê Armenîyan de hêrişê ma kerd. Dewlete vana a vera PKKyî şer kena la a dişmenê pêro kurdan a. Dewlete verî cergê xo erşawitî, dima zî çeka kîmyewîye xebitnaye. Xoverdayîşê Mamreşoyî moral da ma. PKK wayîrê îradeyêkê pîlî yo. Ma her roje derbanê giranan danê dişmenî ro. No şer têna şerê PKKyî nîyo coka destê kamî ra çita yeno wa bikero.''