Serrgêra Hemleya 15ê Tebaxe ke hetê Têgêrayîşê Azadîye ra sey hemleya gandarbîyayîşî pênase bena her serre koyan de sey 'roşanê gerîlayan' yena fîrazkerdene. Ma nêzdîyê serrgêra 4ine ya Hemleya 15ê Tebaxe benê.

Çeperan ra ver bi kerrayan, şerê 'kozikî' ra ver bi xoverdayîşê tunelanê şerî, sereştişê qereqolan ra ver bi çalakîyanê hewayî, taburanê firteneyî ra ver bi gerîlayanê modernîteya demokratîke hemle de zaf gamî ameyî eştene. Têkoşîno çekdar nika Kurdîstan de prosesê tewr heybetînî de yo. Şerê Azadîye 40 serrî yo helêke zî nêvindert. Dêsanê tunelêkê şerî de qiseyê Rayber Apoyî nusîyabi ke wina vatêne ''Her kerre, her text, her cayêk ke merdim tede eşkeno cabibo seba mi zaf ercîyaye bîyî. Mi vatêne no texte senî qîmetên o, cabîyayîşê serê ci seba mi efsûnî bi. Bînayêka min a qije est bîye, ma na awanîye sey keyeyêkê fîrazî dî. Kulubeyêka qije bîye la seba mi sey cayêkê cenetî bi.''

Seba ke bizanîyo ke destkewteyî senî ameyê afernayene no nuşte dêsan ser a nusîyabi. Gerîlayî hertim zanenê ke ver bi kamca şinê. Coka 40 serrî yo seke roja verêne de yê ciwîyenê. Nê serran de se bi, çi qewimîya? Gerîlayan çeka xo ya verêne 'kleş' zî, no texteyê Rayber Apoyî zî qetî xo vîr a nêkerd. Bi wendiş û famkerdişê Rayber Apoyî nê vurnayî tewirê şer û cuye.

Rayber Apoyî serranê 90an de ercnayîşêkî de vatbi ''Lubnan de koyêkê min o qij est bi. Wexto ke ez odaya mîyanê çar dêsan de mendêne, dinya yê min bîya. Wexto ke ez ver bi girî şîyêne dinya hîna zaf yê min bîya.  Gelo hinî heqê min est o ke ez biewna cêrî ra, binê gelîya koyî ra? Mi no sey arzuyêkî, sey hêvîyêke dî. No koy sey koyî mehesibnê. Ne awa ci ne zî darê ci est bîyê. Rût bi. No cayêko winayên bi ke merdimêkî biwaştêne tede bimano la hêvîya cuyêka newîye daya mi. Û dima mi no ca vurna cayêkê fîrazî. Şarê ma pêl bi pêlî ame. Û seba ma no ca bi merkezêk. Ka o koy? Koyê kamî? Koyêko senîn û tîya de cuyêka senîne ameya afernayene?''

Welatêk de ke vatişê nameyê xo zî qedexe yo welatperwerîye raşta zî huner o. Coka PKK partîya erjan a, na partî erjan afernena, pawena û pîlêr kena. PKK partîya ê merdiman a le çinbîyayîşî ra îmkan virazenê.

Hemleya 15ê Tebaxe çalakîya tewr pîl bîya ke merdiman a çinbîyayîşî ra viraştbî.  Êyê ke Gelîya Bekaa ra ver bi koyanê Kurdîstanî şîyê înan do erdê xo bivurnayêne warêkê fîrazî. 15ê Tebaxe sey xîretêkê efsûnîyî bi ke lanetbîyayîşî vurna fîrazbîyayîşî. Hemleya 15ê Tebaxe adirê meşale vist ta.

Hemleya 15ê Tebaxe 40 serrî xo pey de verdayî. Na dara efsunî bi destê Fermandar Egîdî her cayê Kurdîstanî vurna çeka çalakîya afernayîşê azadîye. Êyê ke textê Bekaa xo vîr a nêkenê. bi ruhê Hemleya 15ê Tebaxe têkoşîn kenê. Belê mîyanê 40 serran de her çîyê şer û gerîlatîye vurîya la ruho Apogîr ê afernayoxê Hemleya 15ê Tebaxe nêvurîya. Hêzo ke 40 serrî verî dest pê şerî kerdbi ewro çeperan de xo ver dano. Zerrîya pêro gerîlayan de, her koyê Kurdîstanî de ruhê Egîdî est o.