Hemserekanê Partîya Herêman ê Demokratîkan (DBP) Salîha Aydenîz û Keskîn Bayindirî pê wesîleya serrgêra Xoverdayîşê 14ê Temmuze  ANFyî reyde qisey kerd.

Salîha Aydenîz vat: ''Tay wext û tarîxî hîşê şaran de neqişîyenê. Seba şorişgêranê Kurdîstanî 14ê Temmuze wext û tarîxêko winasên o. Rojeyê Mergî yo Pîl seba şarêko ke destê qirkerdişan de bi, newe ra ganîbîyayîş bi.  Rojeyê Mergî yo Pîl xoverdayîşêko pîl aferna. Nê xoverdayîşî tesîrê Şorişê Rojawanî zî kerd. Kurdan pê xoverdayîşê 14ê Temmuze mojna ke ê do çin nêbê. Şorişgêranê ê çaxî peyê xo de mîrasêko pîl verda. Kurdî zî wayîrê nê mîrasî vejîyayî. Faşîzmê 12ê Êlule ewro zî esto.''

Keskîn Bayindirî zî bale ante înkarê 12ê Êlule ser ke generalanê cunta vatêne ke kurdî çin ê. Bayindirî vat: ''Îşkenceyê faşîzmî xîret kerd. Wextê winasênî de zîndanan ra qîrayîşê xoverdayoxan ê kurdan vejîyayî. Faşîzm ame çinkerdene. Ma sey cinî, camêrd, ciwanî eşkenê vera hêrişan bigêrê. Nika zî hêrişê vera estbîyayîşê ma zêdîyayî. Teber û zere de hêrişî estê. Ganî merdimî vera nê hêrişan hêvîdar bibê. Çunke 14ê Temmuza 1982î de tarîye estbî. Pê hêzê xoverdayoxan darbeya faşîste ya 12ê Êlule ameye çinkerdene, ewro zî ma eşkenê rejîmê yewşexsî çin bikerê.''