Hemserekê HDP'yî yê Mûşî Murat Balkaya, endama Meclîsê Ciwanîye  yê HDP'yî yê Mûşî  Nafîye Bale û wendekara zanîngehî Şeyma Orhan ê ke 23'ê Teşrîna Verêne sereştişê keyeyan de ameybî destbendkerdene, dimayê muameleyanê asayîşî de sewqê mehkeme bîyî û ameyî tepiştene.

Balkaya û Bale zî bi waştişê tepiştişî sewqê mehkeme bîyî. Şeyma Orhane zî dozgerîye de îfadeyê ci ame girewtene û waştişê kontrolê edlî  sewqê mehkema bîye. Heyetê mehkeme Orhane bi şertê kontrolê edlî serbest vera daye. Balkaya û Bale zî bi îdîaya 'propagandaya rêxistine' ameyî destbendkerdene.

Balkaya û Bale ameyî berdene bi Zîndano Girewte yê Tîpê E'yî yê Muşî.