Hemserekê Meclîsê Xoserîya Demokratîke ya Şengalî (MXDŞ) Hisên Hecî derheqê kiştişê Ebûbekîr El Baxdadî de bernameyê sibayî Êzîdxaneyê Radîo Dengê Çira Şingalî rê qisey kerd.

Qiseykerdişê Hecî wina yo: "Bi destê serçeteyê DAÎŞ'î Ebûbekîr El Baxdadî  bi hezaran kesî ameyî kiştene, qetilkerdene. Mal û mulkê şarî şîy, bi taybetî şarê ma yê Êzidî, pêroyê şaranê dînanê cîya-cîyayan bi destê El Baxdadî ra dej ant. La ne Amerîka ne zî hêzanê mîyanneteweyîyan xîret kerd ke kiştişê Baxdadî lez bibo. Çunke nînan bi xo paşt dayêne El Baxdadî. Ma nêeşkenê vajê ke DAÎŞ bi temamî çin bîyo.Çunke DAÎŞ kesêkî ra nêno meydan. No mesele fikr de yo û ganî ma wina biewnê ci. Baxdadî nêzdîyê sînorê Tirkîya de ame kiştene. Çira çunke Tirkîya paşt dayêne ci."