Hemserekê YNKyî Şêx Cengî: Ma do tewrê şerê zereyî yê kurdan mebê
Hemserekê YNKyî Lahor Şêx Cengî kombîyayîşêkê bi fermandarîyanê leşkeran de qisey kerd û ard ziwan ke ê do qetî tewrê şerê zereyî yê kurdan mebê.
Hemserekê Yewîya Welatperweran a Kurdîstanî (YNK) Lahor Şêx Cengîyî Qelaçulan de Fermandarîya Pêroyî ya Pêşmergeyan reyde kombîyayîşêk kerd.
Şêx Cengîyo ke kombîyayîş de rewşa asayîşî ya Başûrê Kurdîstanî ercna ard ziwan ke yeno waştene ke kurdî biverdîyê yewbînan û êyê ke wazenê asayîşê Başûrê Kurdîstanî bixeripnê ê şermezar kerdî. Şêx Cengî vat ê nêwazenê gonîya kurdan pê destê kurdan bêro rişnayene û do çirey perrê nayî de nêbê.
