Dewa Mûşîyan a qezaya Dutaxî ya Agirî de 6ê kanûna 2019î de leşkeran eştbi keyeyan ser û 3 endamê HPGyî û babîyê 3 domanan Murat Kaya (28) kiştbî. Îdîanameyê serebûtî ame safîkerdene. Eşkera bi ke îdîaname de dokumentê îşkenceyê vera Cemal Aksoyî sey ci nîyê. 

Dima ke Cemal Aksoy sey birîndar ame tepiştene Nêweşxaneyê Dewlete yê Dûtaxî de ci rê raporêk ame dayene. Raporê 6ê kanûne de ameyêne vatene ke Aksoy bi giranî birîndar o û rewşa ci ya weşîye binê tehlukeyî de ya.

Heman saete de heman nêweşxane de doktorêkê bînî raporêk da û rapor de îfade kerd ke   rewşa ci ya weşîye binê tehlukeyî de nîya û eşkîyeno bêro tepiştene. 

Dima Aksoy erşawîyeno qereqol la qereqol de doxa ci şina û reyna wedarîyeno nêweşxane. Nêweşxane de eşkera beno ke seba ke Aksoyî ra xeylêk gonîye şîye hîşê ci şîyo. La reyna zî yeno tepiştene.

Avûkatê Aksoyî Vedat Tuncayî pare kerd ke binê îşkenceyî de îfadeyê muwekîlê ey ame girewtene û o do gerrayê doktoranê ke wezîfeyê xo tam nêardo wa bikero.