Fermandaranê HPGyî ra Heqî Armnc tewrê 'Bernameya Taybet' a Stêrk TVyî bi û hêrişê îşxalî yê dewleta tirke yê vera Heftanînî, armancê nê hêrişan û xoverdayîşê gerîlayan ercnayî.

Qiseykerdişê Heqî Armancî ra beşêk wina yo:

''Polîtîkaya îşxalî ya dewleta tirke ya îşxalkere esasê stratejîya qirkerdişê şarê kurdî û bêvengîya sîyasetê demokratîkî yê Tirkîya ser o yena caardene. Na stratejî hetê AKP û MHPyî û Ergenekonî ra ameye awankerdene. Reyna na stratejî bingeyê tescrîdê vera Rayber Apoyî ser o yo û coka ganî tecrîd bêro şiknayene. Dewleta tirke her ke tengasîye ancena hêrişanê barbaran zêdînena. 

Operasyonê Heftanînî de heta nika tay girî ameyî girewtene. Nê girî veng bîyî, tede gerîlayî çinbîyî. Embazan da nê cayan ro ke leşkerî ameyî ci. Skorsky, kobrayê înan derbî werdî, kişteyê înan zêdîyenê. 

Gerîlayê Heftanînî xo ver danê û apey gamêke zî nêerzenê. Her roje çalakîyî qewimîyenê. Cara destê înan de yew çi mendo; teknîk. Bombardumanî zêdêr ê. Dişmenî xîret kenê ke bi nê hawayî ser bikewê la embazan cewabê ci da û ê do bidê. Her cayo ke dişmenan xo tede ca kerd, ablûqaya emnazan de yo. Ganî şarê ma bizano ke ma do Heftanînî ra fek vera nêdê. Ê pê propaganda sereyê merdiman têmîyan kenê la seke ma eşkera kerd kişte û birîndarê dişmenan zêdêr ê. 

Dewleta tirke armanc kena ke pêro Başûrê Kurdîstanî îşxal bikera. Ganî vera nê armancî şarê Başûrrî û pêşmergeyî tewirêkê kurdayetî, welatperwerî bimojnê. Dewleta tirke nika Heftanîn kerd hedef la do aver şora. Dewlet Bahçelîyî vat 'Ma xebere grewte ke PKK dekewto Silêmanî û Kerkûk.' Bi nê hawayî mesaj danê. Siba pê bahaneya PKKyî ê do hêrişê Hewlêr û Zaxoyî zî bikerê. Armancê înan no yo. Hêverî wazenê astengîya verê xo wedarê ke na astengîye zî gerîlayê azadîya Kurdîstanî yê. Eke ê astêka verêne derbaz bikerê do hêrişê Başûrî bikerê.

Gerîlayî Heftanîn de vera teknîkê barbarî şer kenê, xo ver danê. Ê zî eşkenê tewrê şerî bibê, paştî bidê embazan. Nika têna seyr kenê. Zaxoyî ra heta Dûhokî têna seyr kenê. Gelo wijdanê înan senî rehet o? Ganî çew goş nêdo partîyanê sîyasîyan. 

Hêrişî vera estbîyayîşê ma, neteweyê ma, welatê ma yê. Ganî her kes rûmetên bibo û vera îşxalan çîyêk bikero. Eke ma pê ruhê yewîya neteweyîye xo ver bidê ma eşkenê îşxalan çin bikerê. Ez venga şarê Başûrî û pêşmergeyan dana ke wa wurzê payan ser. 

Gerîlayanê azadîya Kurdîstanî ra nêbîyêne îşxal resabi Zaxo. Rûhê fedayî yê gerîlayanê Heftanînî 2 serrî yo ke nêverdeno dişmenî aver şorê. 

Ganî şarê ma yê Başûrî pê ruhekê welatperwerî wayîrê erjanê xo bivejîyo, ganî hetê gerîlayan de ca bigêro û vera faşîzmî têkoşîn bikero. Eke bi nê hawayî bibo, ma do meydanê mîyanneteweyî de zî xo rê cayêk gênê, ma do bêrê heskerdene û qebulkerdene.''