Herêma Bagokî de operasyonê îmhayî
Dewleta tirke ya îşxalkere herêma Bagokî de hêrişê îmhayî da destpêkerdene. Warê 9 dewanê Nisêbînî sey ''herêma asayîşê taybeytî'' ameyî îlankerdene.
Warê 9 dewanê Koyanê Bagokî yê Nisêbînê Mêrdînî hetê Walîtîya Mardinî ra seba 15 rojan sey ''herêma asayîşê taybeytî'' ameyî îlankerdene.
Walîtîya Mardinî da zanayene ke dekewtişê dewanê Xarabalî, Hibab, Badibbe, Ewşî ,Elin, Arboi, Yol, Şekrin, Derikî mabênê tarîxanê 4ê tebaxe ra heta 18ê tebaxe ame qedexekerdene.
Hetê bînî ra Qişlaya Leşkerî ya Cevatpaşayî yê Mîdyadî ra helîkopterê leşkerî wiriştî û verê xo da herêma Bagokî. Dîya zanayene ke herême de operasyonê îmha dîyayo destpêkerdene.
