Komîteya Paştîdayîşê Keyeyanê Şehîdan a PKKyî bale ante ser ke  hêrişê îqtîdarê faşîstî yê AKP-MHPyî yê vera mezel û cenazayanê şehîdan çend şino zêdîyeno û nê vatî:

Beşik wextê îqtîdarê AKP-MHPyî de hêrişê bêeheleq û teberê merdimîye zêdîyayî. Sûcê neweyî bîyî tewrê sûcanê qirkerdişî. Seba ke vera Têgêrayîşê Azadîye yê Kurdîstanî binkewtî, wazenê bi nê hêrişan binkewtişê xo binimnê. Coka îşkenceyê vera cenazayanê gerîlayan, tacîzkerdiş û vêşnayîş kerdo polîtîkaya dewlete. Xora no îqtîdaro faşîst Zap, Avaşîn û Metîna de leşkerê ci ke merdî, cenazayê înan zî vêşnayî. Verê merasîmanê cenazayan genê ke komelî rê çok bidê dayene.

Keyeyî wayîrê cenazayanê xo vejîyenê. La ê cenazayan nêdanê û bi serran ra dima esteyanê domananê înan zereyê tewre û qutîyan de û bi postayî danê keyeyan. Wina kenê ke komelî bikerê bêrumet û erjanê ci ra raqilnê. Tewr peynî de 2015 de Silopî de cenazaya Dayîke Taybete hewteyêke mabênê kuçeyî de erdî de mende, Heznê Înana ke bodrumanê Cizre de ameye vêşnayene kincê ci yê vêşayeyî zereyê zerfî de dayî keyeyê ci. Nê caaridşî mojnenê ke îqtîdarê Erdogan- AKPyî senî sadîst, psîkopat o. Rojanê peyênan de hêrişê vera şehîdgehan û hemwelatîyan û embazanê ma yê ke yenê qetilkerdene, zêdîyayî. Çîyo tewr xirab zî heme dinya nê kerdişanê teberê merdimîye vînena la çîyêk nêvana.

Kurdîstan de şerê qirkerdişî yo bêehleq yeno rayraberdene.Îqtîdaro faşîst vera bimbarekanê kurdan her qeyde hêrişê bêehleqî keno. Vera Gerîlayanê Azadîye yê Kurdîstanî çekê qedexeyî şuxulnayî ke binkewtişê xo binimo. Nê zî qîm nêkerd hêrişê bimbarekanê şarî keno ke komelî teslîm bîgêro. Îqtîdaro faşîst bi nê hêrişanê xo mojneno ke zîhnîyetê DAÎŞî temsîl keno. Nê caardişê qirkerdişî yê  ke wextê Şêx Sêîd, Agirî, Geliyê Zîlane û terteyê Dêrsimî ra nata yenê kerdene, Tirkîya de bîyî polîtîkaya dewlete. Ewro bi tecrîdê serê Rayber Apoyî polîtîkaya xo domnenê.

 Îqtîdaro faşîst her ca de hêrişê bimbarekanê kurdan keno. Vera cenazayanê gerîlayan caardişê wehşîyî yenê kerdene.  Bi nê hêrişan kenê ke verê têkoşînê azadîye yê Kurdîstanî bigêrê. Wa şarê man rind bivînê ke şehîdanê ma bi têkoşînê girdî rayîrê serkewtişî akerd. Erdogano faşîst û dewleta tirke ya qirkere hêzê şehîdanê ma ra tersenê. Coka nê hêrişan kenê. Senî ke DAÎŞ bi fedakarîya pîle ya şehîdanê ma binkewt, do ê zî bin bikewê.

Faşîzm cehd keno ke ters biafirno. Ganî no ters bêro şiktene, têkoşîno komelkî bêro kerdene. Şarê ma yo welatperwer tim vera nê polîtîkayan sereberz xover dano. Tecrîdê Îmraliyî, hêrişê vera cenaza û mezelanê şehîdan, qirkerdişê zîndanan, şuxulnayîşê çekanê kîmyewîyan ê vera gerîlayan, qirkerdişê Rojawan, Mexmûr, Şingal û Başûrî, nê pêro semedê temamkerdişê qirkerdişê vera kurdan yenê kerdene. Ganî şarê ma zafêr wayîrê şehîdanê xo bivejîyo û vera hêrişê qirkerdişî bivejîyo. Ganî ma wirzê payan ser û wehşetê dewleta tirke rê vajê bes o û wayîrê erjanê xo yê bimbarekan bivejîyê.''