Heskerdoxê koyî: Rûbar Serhildan

Rûbar Serhildan o ke 14ê nîsana 2019î de hêrişêkê dewleta tirke de şehîd bî peyê xo de waştişêkê têkoşînî verda ke qasê koyan pîl o.

Gerîlayî û koyî seba kurdan eşqêk o. Hêvîya bêmerg û bêpeynîye koyanê Kurdîstanî de zîl dana. Xeyalo tewr pîl ê gerîlayan her tim no bî ke pêro koyanê welatê xo de bigêrê.

Nê zerrîyanê bicoşan ra yew zî Rûbar Serhildan (Alan Omer) o ke deşta Rojawanî de ame dinya bi eşqê azadîye bî heskerdoxê koyan. Xeyalê ci yo tewr pîl Araratî ra seyrkerdişê welatê ey bî. Rûbar keyeyêkê welatperwerî de bî pîl û serranê xo yê ciwanîye de tewrê şarê Şorişê Rojawanî bî. 

Çend serran ra dima bi hawayêkê çalakî tewrê karanê ciwanan bi. Wextêkê dergî Rojawan de karê ciwanan kerd û dima verê xo da koyan, bire daye ke bibo gerîlayan. Serra 2018î de tewrê gerîlayan bî.

Gerîla Rûbar lez musa koyan. Her wext koyan rê sipas kerdêne. Çîyo ke zaf waştêne bikero koyêkê berzî ser de roniştiş û koyan seyrkerdiş bî. Embazanê xo rê vatêne: "Çîyo ke ez tewr zaf wazena bikera şora koyê Arartî ser û uca de rayberîye reyde xoşebere bikera."

Rûbar dima ke şî koyan sey gulêj akerd û aver şî. Babeta leşkerî de xo lez aver berd. Embazan ci ra waşt ke newe ra tewrê karanê ciwanan bibo la ey vat: "Ez wazena mîyanê HPGyî de bimana, koyî keyeyê min o."

Nê waştişê ci ser o embazan o Zagros de wezîfefedar kerd. Do bişîyêne şer. Dima ke embazan ra xatir waştêne vat: "Ez şina ke xeyalanê xo bîyara ca.'' û xo resna Zagros.

Zagros de bi coşêk her karî kerdêne. Rûbar Zagros de têkoşînêko çetin kerd, xo zorî û zehmetîye ra dima nêgirewt. 14ê nîsana 2019î de hêrişêkê dewleta tirke ya îşxalkere de tewrê kerwanê bêmergan bî. Rûbar Serhildan serra xo ya ciwane de waştişê têkoşînî yê sey koyanê berzan û heskerdişê welatî û koyan peyê xo de verdayî.