Hetkarê Hemserekanê MXDŞyî Heso Îbrahîmî pare kerd ke ê dişmenîya kesî nêkenê la kam hêrişê Şingalî bikero ê do xo ver bidê. Îbrahîmî ard ziwan ke seba înan wext wextê seferberîye yo û venga êzidîyan û pêro kurdan da.
Hetkarê Hemserekanê Meclîsê Xoserîya Demokratîke ya Şingalî (MXDŞ) Heso Îbrahîm beşdarê bultenêka Çira TVyî bi û hêrişanê vera Şingalî ser o qisey kerd.
Heso Îbrahîmî îfade kerd ke hînî seba êzidîyan, Îdareyê Xoserî yê Şingalî û hêzanê xopawitişî xoverdayîşî ra ber rayîrêk nêmendo û vat: ''Ma dişmenê Iraqî nîyê la eke hukmatê Kazimiyî biwazo plananê DAÎŞî bîyaro ca ma do cewabê înan bidê. Cewab ho yeno dayene. Xoverdayîşî ra ver Şingal de çîyêk çin o.
Senî ke ma vera DAÎŞî 2014 de xo ver da, ma vera dewleta tirke xo ver da, kam bêro serê ma, ma do vera ci xo ver bidê. Wa kes pabeyê ci mevindero ke şarê Şingalî teslîm bibo. Sey Îdareyê Xoserî ma venga şarê xo danê ke wext wextê xoverdayîş û seferberîye yo.
Ma nêwazeno şer biqewimîyo la eke bibo zî ma şarê xo ra seferberîye wazenê. Kam ver bi Şingalî bêro, ma do vera ci xo ver bidê.''
