Hêrişê hêzanê Îranî yê vera kolberanê kurdan dewam keno. Sereyê gulane ra nata herêmanê sînorî yî bajaranê Bane û Seqizî yê Rojhelatê Kurdîstanî de hêzanê Îranî 4 kolberî qetil kerdî.

"1ê gulane de kolbero bi nameyê Hêmin Ahmedî herêma sînorî ya Bestamî ya bajarê Seqizî de hetê hêzanê Îranî ra ame qetilkerdene.

2ê gulane de kolbero bi nameyê Celal Suhrabî herêma sînorî ya Surkêwî ya dewa Tajanî ya bajarê Bane de hetê hêzanê rêjîmê Îranî ra ame qetilkerdene.

5ê gulane de kolbero bi nameyê Eta Rustempurî sînorê Hengejalî yê bajarê Bane de hetê hêzanê Îranî ra ame qetilkerdene.

7ê gulane de kolbero kurd o bi nameyê Muhammed Kadrî herêma sînorî ya Gelesure ya  dewa Şiwe ya Bane de hetê hêzanê Îranî ra ame qetilkerdene. Nê hêrişî de 2 kolberî zî birîndar bîyî.