Merkezê Îrtbatî û Çapemenîye yê HPGyî derheqê çalakîyanê gerîlayan û hêrişê îşxalî yê dewleta tirke de eşkerayîye daye.

Eşkerayîya HPGyî de nê ameyî vatene:

''Hêzanê ma yê Pawitişê Hewayî yê Şehîde Delale 8ê hezîrane de Qilê Azadî yê Metîna de vera îşxalkeran çalakîyêka hewayî kerde. Hedefê ke ameyî bewlîkerdene biîsabet ameyî pirodayene.

Hemleya Şorişgêre ya Bazanê Zagrosî

7ê hezîrane de Qilê Lêlîkanî yê herêma Xakurkê de vera îşxalkeran çalakîyêke ameye kerdene, îşxalkerêk ame cezakerdene. Avaşîn de zî îşxalkerê ke Qirrika Banista ra ver bi warê Werxelê kewtî rayîr 7ê hezîrane de hetê hêzanê ma ra gerîyayîşê binê kontrolî û 8ê hezîrane de bi tewirê sabotayî hîrê reyî ameyî pirodayene. Humara merde û birîndaran ê dişmenî safî nêbîye. 7ê hezîrene de îşxalkerê ke warê Werxelê de waşt debikewê tunelanê şerî ameyî pirodayene, 2 îşxlakerî ameyî cezakerdene. Eynî herême de warê Kilise de zî îşxalkerî ameyî pirodayene la netîceya çalakîye zelal nêbî.

Warê Werxelê de pêkewtişê giranî dewam kenê

9ê herîrane de reyna îşxalkerê ke warê Werxelê de waşt debikewê tunelanê şerî pê çekanê ferdîyan ameyî pirodayene. Çalakîye de 3 îşxalkerî ameyî cezakerdene. Saetanê şewe de îşxalkerê ke verê mewzîya şerî de ameyî têhet di reyî bi taktîkê dabotajî ameyî pirodayene. Tîya îşxlakerêk ame cezakerene û 2 îşxalkerî zî birîndar bîyî. Saetanê vera sibayî de vera îxalkeran yewna çalakîye ameye kerdene. Na çalakîye de 6 îşxlakerî ameyî cezakerdene û 1 zî birîndar bi. Seatanê serê sibayî de îşxalkeranê ke waşt ver bi tunelanê şerî şirê reyna ameyî pirodayene. Warê Werxelê de pêkewtişê giranî dewam kenê.

Hêrişê hewayî

Vera Herêmanê Pawitişî yê Medya hetê artêşa tirke ra hêrişê hewayî ameyî kerdene. 8ê hezîrane de dewa Şikeftîyanî ya bajarekê Çemankê yê qezaya Duhokî yo ke herêma Garê de yo, warê Werxelê û warê Coloyê Qicî yê Zapî pê teyarayanê şerî ameye bombardumankerdene. Warê Şekifî yê herêma Xakurkê  û warê Werxelê, Dola Maranî, Dola Konferansê ,Mamreşo û Mervanosî yê Avaşînî  pê helîkopteranê hêrişî ame bombardumankerdene.  Nê hêrişan de vînîbîayeyê ma çîn ê.''