Rêxitina HDPyî ya qezaya Hezexî ya Şirnexî bi çalakîyêke paştî daye xoverdayîşê zîndanano ke vera tecrîdê serê Rayberê Şarê Kurdî Abdulah Ocalanî yeno kerdene.

Rêxitina qeza û Şirnexî yê HDP, atkvîsîtê TJA û xeylêk kesî tewrê çalakîye bîyî. Eşkerayîye hetê Hemserekê HDPyî yê Hezexî  Yasîn Oztaşî ra ameye wendene.

Oztaşî vist vîrî ke grevê vêşanîye yê tepişteyan roja 137. de dewam keno û vat:  ''No çîyo newe nîyo. Zîndananê Tirkîya de tim binpaykeridşê heqan estê. Merdimî rîyê nasnameyê xo yê polîtîkab ra zîndanan de sey rehîneyan yenê tepiştene. Azadîya înan destê înan ra girewtiş zî qîm nêkeno vera tepişteyan  caardişê teberê huqûqî yenê kerdene. Sere de tepişteyê nêweşî tepişteyan rê neheqîya pîle yena kerdene. Nînan ra yew sûcê tecrîdî yo.  Îqtîdar pê tecrîdî 'qedexeyê îşkenceyî' binpay keno.  CPT û xeylêk dezgehanê bînan ê mîyannetweyî zî belge kerd ke pê tecrîdî sûco sîstematîk yeno kerdene seba ke tecrîd bêro wedaritene înan xeylêk rey veng da hukmatê Tirkîya ke ma nê sûcî nêkero. AKP herinda wedaritişê tecrîdî de no heme welatî ra vila kerd.  Hukmat waştiş, asayîş û weşîya tepişteyan ra berpirsîyar o û ganî berpirsîyarîya xo bîyaro ca.''

Badê eşkerayîye rixmê astengkerdişê polîsan çalakîya roniştişî ameye kerdene. Çalakîye bi slogana ''Biciwîyo xoverdayîşê zîndanan'' qedîyaye.